學費200蚊一堂的興趣班 原來只係Book場踢波|Purple弟弟

學費200蚊一堂的興趣班 原來只係Book場踢波|Purple弟弟

【天價學費買正常教育】香港地有唔少人都持有阿Q精神,「呻自己慘」,就會有人質疑你慘得過非洲兒童飯都未食得飽;「呻做嘢辛苦」,就有人質疑你拎咁高人工,其他文職仲辛苦又低人工都未出聲!

撰文:Purple弟弟 | 圖片:電視截圖、unsplash

其實,我都係對自己、對教育有要求,點解一直要用下限「有書讀已經好好啦」嚟做標準?

身邊所有人都要我學識「苦中作樂唔好搞咁多事」,或者就係呢種諗法導致我哋香港人比人恰到上心口都唔識反抗。

香港, 打工, 父母, 天價學費, 正常教育, Happy School, 陀螺, Purple弟弟

此地無銀Happy School

近年,好多學校大搞公關,冒出唔少自稱Happy School嘅學校 。

甚至有唔想小朋友太辛苦嘅家長,更加會參考區內有邊啲Happy School選擇志願。

我唔係話Happy School唔好,「少功課,無咁辛苦」當然係好事,不過多同少都係透過比較先知。

即係所謂「少功課,測考」,係「少」過香港地一般學校同名校。

香港, 打工, 父母, 天價學費, 正常教育, Happy School, 陀螺, Purple弟弟

說穿了Happy School只是正常些少嘅學校,其實小朋友使鬼做咁多功課!

只係香港教育太癲,佢哋先可以冠上「Happy」稱號!

正正係呢班Happy School嘅掘起,令我決心將來要自己小朋友讀國際學校!

試問一句,街市啊姐向你瘋狂重複咁講:「我啲菜又靚又甜,唔呃人架」,你會選擇買定係驚一驚,都係睇定啲先?

香港, 打工, 父母, 天價學費, 正常教育, Happy School, 陀螺, Purple弟弟
圖片:unsplash

天價學費 讀大學都冇咁貴

咁決定咗想自己小朋友讀國際學校後當然要坐言起行,但一睇學費,就覺得不可思議!

想當年自己讀大學,都係3至4萬蚊一個SEM!

但而家講緊係小學,我強調多次係小學,大多數都係收緊10萬左右一年!出名嘅甚至20萬都嚟緊,都未計你有錢都未必入到!

香港, 打工, 父母, 天價學費, 正常教育, Happy School, 陀螺, Purple弟弟
圖片:unsplash

大佬啊,唔好咁癲啦!我只係想將來個仔可以正正常常接受教育啫。

一年我當10萬,讀得國際學校都包埋中學,12年即係120萬,已經夠比細單位首期。

估唔到我唔單止要做「樓奴」,原來仲要做埋「供書」奴。

香港, 打工, 父母, 天價學費, 正常教育, Happy School, 陀螺, Purple弟弟

父母錫小朋友 商家利用到盡

好多人做咗人父母之後先知,商家佬專恰家長!

恰家長唔捨得使係自己身上,但肯使係小朋友身上!

啲童書啊,玩具貴到你想像唔到,想小朋友有一技之長?

興趣班收你200蚊一堂,其實只係BOOK咗個草地足球場,比十幾個小朋友踢下波。

香港, 打工, 父母, 天價學費, 正常教育, Happy School, 陀螺, Purple弟弟

金色陀螺

近期最深刻係我朋友個仔,最新鍾意咗睇一套卡通片。

咁睇卡通片人之常情,不過原來套卡通片係宣傳易啲廣告嚟,成場係到用隻金色陀螺秒殺對手,咁即係點?

即係我朋友個仔睇完嘈住要買陀螺囉!

香港, 打工, 父母, 天價學費, 正常教育, Happy School, 陀螺, Purple弟弟

去到玩具舖先知,陀螺都有人炒,朋友個仔想買果隻金色陀螺已經無得買,但其他陀螺都唔見得平,一隻都百幾蚊,但得一隻陀螺又點玩呢?

即係你仲要焗住買埋個陀螺盤同陀螺發射器,咁你成日人工就係咁先。

香港地,只係一個用天價買正常嘢嘅地方,唔想放棄做正常人?

首先就要癲咗咁俾錢先!

香港, 打工, 父母, 天價學費, 正常教育, Happy School, 陀螺, Purple弟弟
圖片:unsplash

延伸閱讀:

今日人工得$12,000唔緊要 一定要學識「真努力」|Purple弟弟

【今日人工得$12,000唔緊要 一定要學識「真努力」】有人話,現代人愈嚟愈悲觀,佢哋唔明白,嗰啲說話只係陳述句子,當中沒有帶一絲情緒。「樓咁貴儲十世都買唔到啦!」、「無父幹已經輸了,李嘉誠都係書香世家出生!」

撰文:Purple弟弟 | 圖片:電視截圖、unsplash

以上都是事實,不過人的接受程度不一,有人接受唔到可能會出現反社會人格;

有人接受唔到,會想盡方法希望改變殘酷現實;

不過無論你係邊種人都好,認清問題的話,問題就解決咗一半。

如果你接受社會不公,出生家底係好重要,咁就希望你睇埋落去。

香港, 打工, 父母, 天價學費, 正常教育, Happy School, 陀螺, Purple弟弟
圖片:unsplash

想成功絕不能不努力

相對於出生好嘅人,我哋呢啲平民學習環境比唔上人哋,父母教育程度亦多數不及有錢人,人際網絡同機遇都差天共地,而惟一有機會贏嘅只係「天資」!

不過即使你天生聰明過人,但窮黑馬始終難搵到伯樂。

聰明過人當然係好事,但因為人人唔同所以都無法討論。

香港, 打工, 父母, 天價學費, 正常教育, Happy School, 陀螺, Purple弟弟

條件差 人工只得$12,000

假如我哋天資平平,以上所有條件又係「投胎」問題,我哋控制唔到,咁答案其實已經浮面,你惟一控制到嘅就係努力!

你諗下人哋有錢又努力,你今日人工只得$12,000,條件已經差過人仲努力都唔肯,差距只會愈大,反之你努力過有錢人,即使得少少都好,總會有成果。

香港, 打工, 父母, 天價學費, 正常教育, Happy School, 陀螺, Purple弟弟

何謂「真努力」?

假如你認同縮短貧富差距係需要努力,咁你都要學識咩叫「努力」。

如果你出身基層,應該聽過父母不時同你呻,「我咁比心機將你養育成人」、「我咁辛苦供書教學」、「我咁辛苦打兩份工」諸如此類的說話。

其實好殘酷咁講句,呢種父母非但不努力,更加係懶!

香港, 打工, 父母, 天價學費, 正常教育, Happy School, 陀螺, Purple弟弟

唔肯跳出舒適圈

懶在唔肯思考唔肯跳出舒適圈。

所謂好努力,只係打一份工打足十年,無諗過點樣可以搵更多,比藉口自己乜都唔識,已經「做到最好」。

所以你會留意到好多四、五十歲嘅人都唔係好識用智能電話。

香港, 打工, 父母, 天價學費, 正常教育, Happy School, 陀螺, Purple弟弟
圖片:電視截圖

雖然佢哋日日手持iPhone,但點樣上網、點樣較靜音都唔了解,因為佢哋已經認定咗自己年紀大,係呢方面點都唔及後生。

即使係中文版面,好多嘢都係跟指示操作就解決到嘅問題,佢哋都會直接搵仔女幫忙,而唔係自己摸索一番先。

而真努力就係要改變呢種諗法,只要唔好自己搵個天花板檔住自己,其實自己可以飛更高更遠。

人工, 真努力,努力, Purple弟弟, 安於現狀, 自律, 目標, 貧富
圖片:unsplash

再具體一啲,就係要不安於現狀以及自律,為自己訂立更高目標。

訂立方向同計劃,再自律咁去按計劃執行就為之「真努力」!

如果仲係一味死做爛做,同隻牛有乜分別?

「隻牛係日日都好勤力,但係咪發到達?」

香港, 打工, 父母, 天價學費, 正常教育, Happy School, 陀螺, Purple弟弟
圖片:unsplash

延伸閱讀:

自爆人工百利而無一害? 同事問我人工幾多 我答佢:「你講先」

The user will never see this