返工係搵錢唔係交友  離職後得閒飲茶都係假

返工係搵錢唔係交友 離職後得閒飲茶都係假

明明返工時都好地地,一離職就形同陌路。打電話長期無人聽,whatsapp長期灰剔。一句「忙」字解答晒佢消失嘅原因。一直食開飯嘅好同事,何解唔喺同一間公司做就變到不瞅不睬,好似情侶分手一樣?你哋又有冇遇過呢啲同事?

撰文:麗爾|圖片:電視截圖

有網民表示,自己有兩個同事之前得罪咗老闆被人炒咗。而平時同佢哋幾friend嘅同事,喺佢兩個被炒後完全冇聯絡過,而且仲唱佢兩個話佢哋抵死⋯⋯

慨嘆職場小人多,若懷著赤子心,只會被踐踏。有時候職場上,愈熟絡嘅朋友走得愈快,因為無利用價值。

返工 搵錢 交友  離職 得閒飲茶
【返工】圖片:電視截圖

做同事講緣分,就算之後keep到做朋友,其實可能都只係「hi bye friend」。

啱啱出嚟做嘢,可能會抱著單純嘅諗法,但當你試過返工被人跣,遇到衰人,就會知道同事永遠只係同事。

有時候唔係你對人唔好,而係人哋工作上會覺得無利用價值。想繼續同你做朋友的,除非真係好啱傾。

打工都係一紙合約,大家都只係公司的過客。

有人將如果長期喺討論區有交流嘅網民同同事比較,如果有一日該位網民唔再回覆,唔再上討論區,唔多唔少都有啲傷感。

但相反,日日對幾個鐘,成日傾計嘅同事,有一日佢話last day啦,點解反而會冇感覺?

有巴打指出,唯一解釋係公司係一個你唔想喺度出現,但又一定要返去嘅地方,潛意識你覺得返工係痛苦嘅,連帶嗰度嘅人你都唔係好想見,因為佢地令你聯想到返工同痛苦,所以當佢last day,會有種「唔見咪唔見囉」嘅想法,完全唔覺得可惜。

同事關係好得意,大部份同事唔稱得上好熟,但平時返工都會間中傾下閒計,例如交流下旅遊心得,買電話心得咁。

一齊並肩作戰多年,公事私事都有過無數次交流,但當是旦一方離職,last day大家一句再見,就預咗呢世都唔再見,即使同眼前呢個識咗多年,日日見面嘅人「永別」,都可以完全冇感覺。

返工 搵錢 交友  離職 得閒飲茶
【返工】圖片:電視截圖

網民分享:

1.遞咗信之後已經係咁

網民留言:「唔駛離職,遞信後臨走前一個月已經係。又請幾日病假,連工作唔交接。」

返工 搵錢 交友  離職 得閒飲茶
【返工】圖片:電視截圖

2.返工同做戲一樣

返工就係要戴住假面孔去工作,好多人返工都係做戲咁㗎。

其實離咗職之後,除非真係遇到啲好啱傾嘅同事,如果唔係都唔會約出街見面!

打工都係為咗錢錢錢,返工扮FRIEND就係要演技!同埋容易打入工作圈子!

現實中大把扮熟嘅同事。同事就係同事,永遠係好難會變真・友誼,唔洗放咁多感情。出嚟食一、兩次飯之後,都冇乜話題索性唔洗再聯絡。

返工 搵錢 交友  離職 得閒飲茶
【返工】圖片:電視截圖

3.無拖無欠

離了職大家無拖無欠,不用交際或合作。

人大了的確難識到好朋友,要保持關係就更加唔好講,例如:約出來玩或參與某某活動等。反而多的是不停地要接觸不同的新人,同學當中大部份只是過客。

識到好同事,重新建立好關係先係最重要。

返工 搵錢 交友  離職 得閒飲茶
【返工】圖片:電視截圖

4.無共同興趣

同事無共同興趣,離職後好難keep 到friend,因為同學始終唔係最重要 ,有時間都俾老婆仔女,女友,父母先,跟住先好朋友,幾時輪到舊同事呢?

離職時雖有交換電話,但多數以後唔會聯絡,怕無話題、唔想搵成為最大原因。最多都係keep 到有時whatsapp 下,吹下水講無聊嘢,但都未必會見面。

每人都有選擇權,你唔想同同事friend,又或者人哋唔想同你friend, 兩者都無問題,無話邊個錯。

返工 搵錢 交友  離職 得閒飲茶
【返工】圖片:電視截圖

延伸閱讀:

9型麻煩人格 你身邊啲同事中幾多