【職場制勝】人工包埋 係史上最難聽嘅說話 薪金從來唔包唔合理事情

【職場制勝】人工包埋 係史上最難聽嘅說話 薪金從來唔包唔合理事情

職場制勝】近日香港醫療系統不勝負荷的新聞源源不絕,不少在最前線的醫護人員都表示做唔掂,希望加人手、起多啲醫院等等。而往往最難聽又最防礙大家討論嘅留言,首當其衝一定係呢一句「人工包埋」。人工從來都唔係包庇唔合理事情嘅報酬,而大家都唔好仲停留係人工代表實力程度,代表工作量多少嘅象徵,一但你咁諗,自然會心理唔平衡。

撰文:Purple弟弟 | 圖片:unsplash

人工係反映供與求

多勞多得,讀多啲書搵多啲,其實都係正確嘅!

不過唔係惟一一個條件,多勞係可以多得,你做銷售員,簽多啲單咪賺多啲囉!

但你作為一個洗碗員,你今日洗500隻,聽日洗600隻,係唔會令你多勞就多得嘅。

人工, 人工包埋, 工作, 職場制勝, 醫護人員, 唔合理
圖片:unsplash

其實我想表達嘅嘢係咩?就係現時太多人將「多勞多得,讀多啲書搵多啲」上晒腦,見到其他人收入好過自己就會去批評其他行業人士係「well paid for it」

無資格提出改善工作環境嘅要求,講到尾其實就係放唔低「多勞多得,讀多啲書搵多啲」呢兩句包袱!

心理唔平衡,接受唔到自己認為自己已經「多勞」咗,點解無「多得」?

人工, 人工包埋, 工作, 職場制勝, 醫護人員, 唔合理
圖片:unsplash

雖然我無「多得」但我都仲做好呢份工,點解啲「多得」咗嘅人仲嘈嘈閉。

所以我好想點醒你地,人工可以係同實力、知識有關,但都可以完全無關!

世上仲有好多工種,都有機會「多得」而且未必需要實力,所以唔需要自命懷才不遇,因為你哋唔係無人欣賞,而係「懷才不遇高人工」而已。

人工, 人工包埋, 工作, 職場制勝, 醫護人員, 唔合理
圖片:unsplash

人工包埋真正用法

上面講咗,唔少人用「人工包埋」呢句說話去包庇唔合理事情,聽落會難聽過粗口。

而打工仔我哋應該一致槍口對外,只需要係「人工包埋」後面加個㗎字,就可以縱橫職場!

下次老細叫你開OT自己嗌外賣,試著說:「人工包埋㗎?哈哈」

人工, 人工包埋, 工作, 職場制勝, 醫護人員, 唔合理
圖片:unsplash

又或者搭的士出去開會無得Claim返錢,都可以說:「人工包埋㗎?哈哈」

一方面可以表達不滿,對方有機會知難而退,另一方面氣氛太尷尬又可以話講笑化解,進可攻退可守。

最緊要係唔好比人恰到上心口,與其不甘他人高人工,不如先捍衛自己應有打工仔權益,令整個職場更健康,到時咪齊齊加人工。

人工, 人工包埋, 工作, 職場制勝, 醫護人員, 唔合理
圖片:unsplash

The user will never see this