順豐收費表｜香港本地寄件價目一覽（順豐特快／自寄自取）
順豐香港本地服務種類
順豐香港本地寄件主要分為以下幾種服務：
- 順豐特快（SF Speedy Express）：門到門收派，寄件人同收件人均毋須親身前往順豐站點
- 門到店（SF Pick Up）：順豐上門取件，收件人自行前往順豐站點／智能櫃取件
- 店到門（SF Drop Off）：寄件人自行前往站點寄件，順豐負責送貨上門
- 店到店（SF Drop & Pick）：寄件人同收件人均自行前往站點寄件同取件，收費最相宜
順豐收費表（順豐特快｜門到門）
根據順豐香港官方公佈嘅「限時優惠」價目表（生效日期 2024 年 6 月 1 日起，直至另行通知），香港本地順豐特快收費如下（單位：港元）：
| 重量（公斤） | 原價 | 限時優惠價 |
| 0.5（文件） | $20 | $20 |
| 1.0 | $30 | $30 |
| 2.0 | $44 | $44 |
| 3.0 | $58 | $58 |
| 5.0 | $86 | $58 |
| 7.0 | $112 | $68 |
| 10.0 | $151 | $68 |
| 15.0 | $216 | $78 |
| 20.0 | $281 | $88 |
20 公斤以上嘅快件不設優惠價，按原價收費（21 公斤 $294、22 公斤 $307，如此類推）。
順豐收費表（自寄自取：門到店／店到門／店到店）
如果唔介意自己去順豐站點寄件或取件，收費會平過順豐特快，當中以「店到店」（寄件同收件雙方都親身去站點）最相宜：
| 重量（公斤） | 門到店限時優惠 | 店到門限時優惠 | 店到店限時優惠 |
| 0.5（文件） | $20 | $20 | $16 |
| 1.0 | $25 | $25 | $16 |
| 2.0 | $39 | $39 | $26 |
| 3.0 | $53 | $53 | $26 |
| 5.0 | $53 | $53 | $26 |
| 7.0 | $63 | $63 | $36 |
| 10.0 | $63 | $63 | $36 |
| 15.0 | $73 | $73 | $68 |
| 20.0 | $83 | $83 | $78 |
需要留意，「店到店」快件如需改派至本地上門地址，客戶要按官方公佈嘅「派件地址變更」收費表另付費用；店寄及店取產品亦不適用於 7-Eleven、OK便利店同 Shell 油站。
順豐收費點計？重量計算規則
順豐香港本地快件嘅重量計算單位如下：
- 5 公斤或以下嘅快件，以 0.5 公斤為計算單位，不足 0.5 公斤嘅小數位部份會進位到下一個 0.5 公斤
- 5 公斤以上嘅快件，以 1 公斤為計算單位，不足 1 公斤嘅小數位部份會進位到下一個 1 公斤
換言之，例如包裹實際重量 4.2 公斤，會按 4.5 公斤計算收費；如實際重量 6.3 公斤，則會按 7 公斤計算。
點揀順豐服務最慳錢？
如果對時間要求唔係太緊迫，又方便親身去便利店或順豐站點，揀「店到店」一般係最平嘅選擇；相反如果需要對方直接收貨上門、唔想收件人額外走一趟，就要考慮「順豐特快」或「店到門」，收費會相應提高。留意以上收費未包括燃油附加費等其他附加費用，順豐不時會因應油價調整燃油附加費，實際落單時系統顯示嘅金額為準。
常見問題 FAQ
順豐收費表幾時會更新？
順豐嘅限時優惠價目表可能因應官方公佈而調整，建議寄件前以順豐香港官方網站或 SFHK App 顯示嘅即時報價為準。
寄大過 20 公斤嘅包裹點計？
順豐特快 20 公斤以上嘅快件不設優惠，按原價每級距收費；如重量超出一般價目表範圍，建議直接向順豐客服查詢報價。
「店到店」是否所有便利店都適用？
唔係，店寄及店取產品不適用於 7-Eleven、OK便利店同 Shell 油站，需選用支援嘅順豐站點或智能櫃。
詳細條款及最新價目，請以順豐官方公佈嘅香港本地產品價目表為準。
📌 延伸閱讀：【快遞加費】油價急升！順豐宣布調整本地件燃油附加費 明起每票加收1元
📌 延伸閱讀：燃油附加費｜香港航空公司最新收費比較＋計算方法
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
