一定要識 10大網絡常用英文縮寫

生活消閒

廣告

有冇試過同朋友傾Whatsapp嘅時候,見到啲好奇怪同生面口嘅英文字呢?但係開口問人點解,又好似好瘀。最後,就要自己靜靜雞去問GOOGLE 大神。不過宜家唔洗咁煩啦,阿滴妹今次為大家一次過介紹多個常用嘅英文縮寫。睇完之後,就唔使下下都去問GOOGLE 大神啦~

1. BFF: Best Friends Forever 一世老友

因為你同你嘅好朋友,好到一個點想永遠一齊。所以唔單只要講Best Friends咁簡單,後面仲要加多個 Forever,以表你地至死不渝嘅友情!

2. BRB: Be Right Back 即刻返

如果你同人傾傾下Whatsapp,傾到唔停唔到。但係突然有啲事情令你一定要行開下,呢個時候,你就會用BRB,意思係「你等我一陣,好快返嚟繼續同你傾」。

3. GTG: Got To Go 走先啦

GTG同BRB有少少似,使用的場景都係同人chat緊。唯一唔同嘅係,GTG嘅意思係「你有事要做,覆唔到啦,所以要結束對話」。用得呢個縮寫應該都真係幾趕時間啦!

4. IDK: I Don’t Know 我唔知道

IDK應該好多香港人都有用,當人地問你,你又唔識答,好多時都會用 IDK去回應。

5. IKR: I Know Right 我超級認同

當有人完完全全講中咗你嘅心聲,然後你超級無敵咁認同佢嘅說話。你就可以用IKR去回應,不過香港好似唔係好多人用,可能你用完要自己解釋返點解,哈哈!

6. SMH: Shake My Head 冇你咁好氣

SMH的意思係冇你咁好氣、講多都晒氣。好多時如果你啲朋友,講得太多無聊或者好廢嘅野,係都唔知點覆,你就只能「無奈咁搖搖搖頭」。

7. IMO: In My Opinion 我覺得

IMO可以幫你戴返個頭盔,以表示只係你嘅個人意見。如果想再戴多個頭盔嘅話,可以加多個「H」humble,變成 IMHO。不過,你啲意見就更大機會比人無視了。

8. JK: Just Kidding 講下笑啫

JK 用就用得多啦,其實佢有好幾個用法。

1) 你真係講緊笑
2) 你講咗啲好嚴肅嘅野,不過冇人理你,你可以用JK打圓場
3) 你講咗啲好白痴嘅野
4) 你講錯野,要搵下台階

所以話JK真係幾時都用得。

9. LMAO: Laugh My Ass Off 超級無敵咁好笑

LMAO係LOL (laugh out loud) 嘅高級版,係比LOL更加好笑。如果你遇到一啲事係LMAO都不足以表達你嘅心情,就可以用LM”F”AO,「F」Fat 變成 Laughing My Fat Ass Off,又係另一個層次啦!

10. ROTFL: Roll On The Floor Laughing 笑到碌地

呢個雖然係縮寫,不過都好長。簡單啲講,佢嘅意思係「笑到碌地」,同 LMAO差唔多意思。當你聽到啲好好笑嘅爛gag或者笑話,你就可以用ROTFL嚟覆人啦!

伸延閱讀:
【英語網絡潮語即學即用】
http://www.edigest.hk/Vip/detail?id=5636
【亞洲人常犯的N個英文錯誤】
http://www.edigest.hk/Vip/detail?id=6525
【常犯英文發音錯誤 小心包心菜變垃圾】

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。