樓價

樓價跌1成無人接火棒 大淡友開Po「拋西瓜」尋人:說好的剛需去曬邊?

樓市

廣告

樓價拾級而下,市況持續不景氣,以往樓市剛需情況似乎逐漸消失,不少地產代理亦貼出「地產文學」抒發感受。近日有網民就觀察到樓市情況而在討論區開帖討論。

樓價 樓市
(圖片來源:政府新聞處)

樓價跌1成都仲冇人買?

有網民在香港討論區上,以「點解有剛需樓價跌1成都仲冇人買既?」為題,出帖文討論本港樓市剛需問題,更指「剛需呢兩個字係咪地產佬呃傻仔炒高樓價」。

帖文惹起多人討論及回應,部份人認為因為樓市或會再下跌,故暫時「忍手」不買;亦有人認為剛需等同「剛Sale」,只是地產經紀的銷量廣告而已。

樓價 樓市
(圖片來源:香港討論區截圖)

網民留言節錄:

  • 「當你知道下年再跌多1成, 點解要今年買?租屋業主回報都係2%,俾盡你3%,都仲有7%的分別…買遲1年夠租3年樓。我簽2年死約每月租金固定,業主供樓利息月月加…有的係住屋需求,唔係買樓需求。」
  • 「半年大額定期有5%,一年之後利率可能高過5%,剛需去咗定期。」
  • 「樓價由03升到22年升左7-8倍左右,工資中位數有冇升7-8倍呀,樓價跌一半都唔過份。」
  • 「你看看居屋幾多人買。  跌得未夠多。 跌夠5成,搶住去買。」
  • 「越遲買, 尺數, 景觀, 位置都會更好
  • 「Cash is King你估係流架。1個月H 4.38458,3個月H 5.27018,定期3個月4.2%。」
  • 「點解iphone 一出機即跌價超過一成仲咁多儍仔買既?」
  • 「跌市不嬲係咁,個個等跌但就無咩成交。但當個市升時啲人就爭住沖入市。」
  • 「之前每年升10%,現在每年跌10%仍然是健康情況,不崩盤,陰跌是沒有問題的,是成交少些。」
  • 「跌一成買也是接火棒的表現。」
樓價 樓市
(圖片來源:中原地產授權圖片)
  • 「直相係全港樓宇的總容量本已經夠哂七百幻人住…只是分配不均像的士車主被極少數人仕囤重貨…」
  • 「如果真係剛需,跌1成已大把人沖入去買啦。」
  • 「我一直強調,樓市係冇剛需,例子: 2003 比起1997 樓價跌左60%,唔通香港係呢7年小左60%人?,樓市從來都係經濟同資金控制。」
  • 「升市就話有剛需,跌市剛需唔見哂。」
  • 「靠邊緣夾心中產承接,沽壓及割讓壓力仍大皆因前景仍向下走(像股市進入熊3期),愈接愈跌、跌足三年(股市),樓市起碼跌多一兩季、甚至一兩年後當樓價與應屆政府之KPl初步達標先有望喘穩…深信換屆由葉太帶領自會回暖多少、卻未許再次熾熱轉旺,否則政策又會再度約束樓主…」
樓價 樓市
(圖片來源:中原地產授權圖片)
  • 「剛需變剛sale。」
  • 「正常現象,在升浪中時,訓街排幾晚隊借錢也有人要買,有得贏錢嗎?跌浪時,撈底隨時變負資產,冇人肯買,寧可租地方住,一旦升番上去,自己未上車,又媽媽聲小政府。」
  • 「仲剩返最後果班剛衰係年中已經一炮過俾novoland吸哂啦。」
  • 「人口上升,起樓少,叫剛需。人口下跌,起樓多,叫剛供。明未?」
  • 「賺錢既剛需同住屋既剛需係兩樣嘢。」
  • 「剛需是騙人的,因為可以租,如果業主投資的租金回報,現在如此低,那就寧願租樓都沒人會買樓。」

中原:十大屋苑11月錄153宗成交 屬4個月新低

中原地產十大屋苑11月錄得153宗成交,較10月177宗減少13.6%,成交量創4個月新低,亦已連續7個月少於200宗成交。月內有6個屋苑成交減少,成交低迷,拖累樓價持續向下尋底,本月有8個屋苑呎價下跌,跌幅0.3%至15.5%。

樓價 樓市
(圖片來源:中原地產授權圖片)

中原地產亞太區副主席兼住宅部總裁表示,11月市場欠缺好消息,疫情及加息影響持續,股市亦波動,買家入市意欲維持低企,以致成交維持膠著,樓價持續向下尋底。

近日中港兩地疫情升溫,相信短期內通關無望,12月美國議息,料會再次加息,加息影響持續,如市場繼續缺乏好消息,預計12月成交維持低迷,樓價繼續向下調整,跌幅恐再擴大。
延伸閱讀:新香港人回歸南區豪宅!4.3億買埋網球場業權、須付重稅1,828萬
延伸閱讀:尚悅租盤破底價!元朗上車兩房呎租僅24蚊 平過6件麥樂雞餐!

立即加入經一Patreon共肥計劃

每日只需~$2.5 大量文章無限重溫

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

常見問題

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看

圖片來源: [email protected]_、政府新聞處、中原地產授權圖片