保安散工 4年儲100萬

做保安散工4年儲100萬!貼圖為證做半年定期有5.25厘息

投資

廣告

雖然今時今日擁有100萬已經不可以算是富翁,但如果基層打工仔要靠自己於4年內儲到100萬,仍是一件需要自制能力極高的事,而儲到100萬之後很節制地去做定期存款更是難得!

日前,有網民在facebook「香港單身狗關注組」轉發相片,展示出一名做了4年保安散工的打工仔,近日儲夠100萬元,之後於1月11日將該100萬元拿到銀行做半年定期存款,利率5.25厘,7月到期利息為26034.24元。

帖文一出,隨即引來網民熱烈討論,除了有網民質疑「依家定期有5.25厘咁高?」之外(定期存款利率比較),主要是圍繞故事主角如可以做到每月儲2萬多元,認為需要打兩份工以及放棄所有娛樂才可以成功。

相當於一個月儲2萬

  • 「4年儲100萬,即一年25萬,一個月2萬」
  • 「如果淨儲100萬,每月唔食唔住要儲20,833元x48月,咁炒散+保安應該要接近35,000元先生活到」
保安散工 4年儲100萬
(圖片來源:FB@香港單身狗關注組)

網民:辛苦過做長工

  • 「30日,佢星期六日做埋,一日搵八舊點會搵唔到?」
  • 「好肯定咁返法一定辛苦過做長工。」
  • 「好多保安去到千幾蚊一日。」
  • 「如果長期開足工,一個月儲兩萬係有可能,最緊要忍到手放棄所有享樂。」
  • 「好多嘢事在人為,看更好處係仲可以屋企附近做,車錢都慳返。」
  • 「炒散唔代表係兼職,分別只係工資計日薪,而家好興經中介公司請人,中介公司網絡大,真係可以日日有工開。」

網民:住屋企食屋企唔養老豆老母

  • 「如果你話你住屋企食屋企,搵25,000元一個儲20,000元洗5,000元,好好恆心儲4年,都好勉強講得通。」
  • 「4年無病無痛,仲要唔使養老豆老母,過時過節唔使俾錢老豆老母,唔洗交稅,無供保險。」
  • 「住屋企畀2000元家用包埋佢食,每月基本支出主要咪車費電話上網費呢d,加埋呢幾年疫情根本就無娛樂有咩出奇。」
  • 「都有可能嘅!同屋企人住,唔駛上繳,唔出街,唔拍拖。」

有網民就指,「我諗過㗎啦,去做夜更保安,朝早再做一份,夜晚再返大堂瞓覺,租都唔洗交。中午去公廁沖涼,朝早果份做飲食嘅,慳多兩餐」。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

而何謂新資金呢?

「合資格新資金結餘」是指最新存款總結餘,每間銀行都有機會定義不同…詳情請看

在開立新戶口時有什麼需要留意?

有些銀行開立/定期存款優惠有不同的要求,例如僅限指定客戶、新客戶或新資金等,所以在開立戶口時要留意看清楚。

圖片來源:FB@香港單身狗關注組