網民玩期權輸50%痛定思痛 靠6大心法一年內贏返：呢樣係智商稅
6大心法：唔好all in
日前，有網民以「一年內玩期權由輸50%再贏番嘅嘅感想」為題，在連登討論區帖圖發文：
「先上圖，入10000鎂左右，開頭唔識玩，剩係識long put long call，覺得自己股神咁，結果就輸到得返$5000左右，之後諗番點樣可以做short side，同埋減少注碼，先可以慢慢贏番，呢排係好彩食到中概大反彈先少贏番啲啲，有幾樣嘢覺得好緊要想提下大家：
- 唔好玩太短時期嘅末日 long call long put,，9成都係total loss
- 唔好買完諗住贏幾多，諗下會輸幾多同埋輸個數你會唔會瞓唔著，會就唔好做
- 唔好all in，就算諗住買5張期權最好分幾次買
- 做多啲spread 限制注碼
- 唔好subscribe patreon 或者俾錢去買貼士，全部都係智商稅
- 留番30%cash，唔夠錢有咩好機會都係得個睇字」
樓主之後在留言區回應網民提問時又補充，「而家多數做下covered call， short put 接貨，用spread控制注碼，緊要個睇個市啱定錯，講真買中概都估唔到佢彈得咁癲，好彩開張risk reversal 就食到個爆升。」
網民：好快輸番曬又可以出新po
帖文一出，隨即引來網民熱烈討論，有網民十分「mean」地指，「好快輸番曬又可以出新po。」但樓主就很有風度地回應：「我自己覺得都真係唔出奇，係好彩先有得贏，有時真係買乜都錯，而家肯快啲止蝕先輸少左。」
亦有網民問樓主有沒有打算建個大少少的倉，樓主就謹記自己6大規條中的第二條：「留番啲錢黎做其他嘢，筆錢輸晒唔影響生活最緊要。」
有網民就看出先輸一半再贏一倍是要雙倍實力，因此問「下次有咩方法避過先輸一半，直接贏一倍？」樓主就指：「贏多數係short put 接貨同covered call，同埋佔成筆錢嘅好細proportion。」
網民：離場先真正贏
不過，亦有其他網民提醒輸前皆因贏錢起，以及不建議新手及老手玩option：
「新手同老手都強烈唔suggest玩option，一樣容錯率低的賭博+輸time value的野。你玩covered call食返對家time value就玩得過。」
「輸錢皆因贏錢起，一日仲繼續賭，你遲早輸，要離場先真正贏。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
