想5年內儲$100萬 月供$4,000港鐵領展比亞迪 可否達標｜龔成信箱
撰文：龔成 ｜圖片：新傳媒資料庫
1.儲蓄保險
你好龔先生，我今年26歲，過去沒有作任何投資而感後悔，開始想一步步學習。
現時月入二萬扣去洗費家用，月有一萬元剩錢左右，4千作月現金存款，另4千作月供股票分別買入66,823,2800,1211 各$1000 ,這樣組合是否合適？現有2000剩應買儲蓄保險還是加入到月供股票投資？
(儲蓄保料大約10年20萬本可收回23.8萬，不取出黎的話就5.5厘）
如果5年內想搵100萬有否更好的投資方向，如有剩錢多又應該如何分配以達至目的？
另外之前放左2382 近日有所回落 再入貨作短期投資是否合適？感謝龔成老師解答
龔成老師：
儲蓄保險是防守性的產品，以你的年紀，不購買都無問題，就算買亦不需太多，因為我地進行人生財富累積，要以「先增值，後現金流」作為策略，這會最有效。
即是說，你這刻應以增值為主，要5年儲到$100萬，你除了保持這刻的儲蓄程度外，同時要加大投資金額。
現時月供股票$4000，可以加大到$6000。餘下的$4000先儲現金，這些現金作等投資機會之用。因此，你都要有一定的選股能力，以及把握投資時機，所以要在投資知識上再提升，確保資金得以有效運用，提升投資回報率。
舜宇光學（2382）正面的。不過，短炒股票無法幫你賺到錢，這是經驗之談。過往我做銀行，見到好多散戶短炒，都是虧損收場的。（對照龔成信箱：Q5552）
2.廣汽集團（2238）
你好，龔老師
能請教一下你對2238，廣汽集團的看法嗎？你認為值得持有嗎？謝謝
龔成老師：
廣汽集團（2238）主要業務包括製造及銷售乘用車、商用車、發動機及汽車零部件，亦從事一系列汽車相關服務及其他業務。佢透過廣汽豐田及廣汽本田，生產多個系列的乘用車。
基本上，有一定的品牌價值，而且過往的生意與盈利都有不錯的增長，發展正面，但相信會進入較平穩的時期。但長遠不錯，有投資價值的。（對照龔成信箱：Q5509）
3.碧桂園（2007）
2007 16.5我都購左一手你有沒有什麼意見給我？謝謝你
龔成老師：
碧桂園（2007）唔係唔佢無質素，但的確有風險，這企業有規模，過往生意增長不錯，但大陸樓市有少少泡沫，如果逆轉會造成風險。
加上負債比率好高，雖然可以令盈利急增，但背後無可避免有風險。
另外，這股近年升了不少，這都造成潛在的風險。
如果有較多貨，可能減少少較好。但如果你只是一手，那就持有都無問題。（對照龔成信箱：Q5510）
4.比亞迪（1211）
成兄，之前比亞迪跌左好多，你點睇？
龔成老師：
我之前係佢出業績股價跌左後，寫左篇文，你可睇睇：
【有關比亞迪業績下跌】
比亞迪（1211）早前出了業績，盈利少賺兩成，同時，預期今年首季純利急挫最多92%，因此令股價下跌了不少。
有貨者，可能會擔心，這是一般散戶都有的感覺，但如果你記得我一直一直以來對比亞迪分析，以及買股票就是買企業的概念，那就不用太擔心。
如果有上過股票班的同學，都知我分析過，比亞迪2025年的目標價，大家更加唔洗理會短期因素，集中長期的企業發展就可以。（如果你有貨，又或想入，一定要完整睇曬這文，唔好睇少少，未完全理解前就投資）。
–分注投資–
首先，我之前一直講，比亞迪有潛力，但股價不算平，「$5X安全，$6X分注，$7X月供」，這說話在我的【龔成問題信箱】，講過起碼20次（你可找翻我的fb記錄，又或經濟一週）。
當我地面對一間優質企業，處於一個不平宜的價位時，就只有用策略，我地唔知短期股價升跌，但就可以評估平貴，我地只能用策略去投資。
雖然之前$7X有少少貴，但我認為仍可買入，因為我認為這股有潛力，就算貴少少都值得，但中短期有可能面對波動，令你感覺上回報較差，但只要以長遠來說，仍然有一定的回報。
–業績問題–
比亞迪下跌的原因，是業績較弱，盈利比之前下跌了2成，當然是不利的消息。同時，首季經營情況不佳，同樣是因素，但我經常講，我地買股票就是買企業，潛力股就是買入企業後，慢慢等佢成長，這是長期性的，我地唔會要求企業一年有明顯增長，但就要以3、5、7年作策略，等企業莊大，從而帶動企業價值明顯上升，產生倍計的回報。
因此，企業中短期業績不好，對整體價值的影響，其實不太大，只是比亞迪之前估值有少少貴（只是少少），市場對佢有較大的期望，當佢表現得較弱時，就會回歸至合理水平。
再分析下佢首季業績，盈警主要因為新能源補貼減少和春節因素，令毛利率處於低水平，不過，下半年補貼將回復正常，加上會陸續會推出新產品，到時汽車銷情和毛利率將有明顯改善。
–潛力股概念–
我收到很多擔心股價再跌的留言，大家只是集中在「股價」上，但我地買股票就是買企業，股價不是重點，企業才是重點。
如果股價跌，企業質素無變，我地應該開心，因為可以買更多平貨。
你持有企業，股價（一個二手市場的報價）比你買入價低，你根本唔洗理，因為你持有的股權無變，企業長遠發展只要正面，就不用理會。
潛力股，要慢慢等收成，在這段時間，企業有中短期波動好正常，否則就不是潛力股，而是穩定股。但只要有耐性，等企業成長，你就有倍計的回報。
–投資策略–
比亞迪業績的確較弱，我相信中短期股價仍然無運行，股價有可能受壓，但長期價值，基本上無太大變化。
中短期投資，不建議。以下全部以長期投資進行。
如果你本身有少少貨，仍然可以「$5X安全，$6X分注，$7X月供」進行。
如果你有比較多貨，就等到$5X或以下，先至買入。
如果你無貨，可以「$5X安全，$6X分注，$7X月供」進行。
記住，這些都是長線投資，不要因短期股價波動而擔心，集中企業的長期發展就得。
最後我要講，課堂中提過，2025年的目標價，大致仍不變的，我仍相信有過半機會做到，聽過我講後買入的學生，不用擔心近期股價跌。這個目標我仍相信，最多都只是時間上差2、3年的問題。（對照龔成信箱：Q5511）
5.瑞聲科技（2018）
你好龔sir 請問2018瑞聲科技。現在入得過嗎？？中美貿易戰。會影響大嗎？感謝你
龔成老師：
其實我不擔心貿易戰，因為大家都明白，這只是一場心理戰，不會對國家造成太大的影響，大家都會平衡利益，因此不用太擔心。
瑞聲科技（2018）正面的，本身有一定的技術，加上生意與盈利都有理想增長。長遠發展正面。
但這股的估值不低，就算股價比高位已回落了不少，但仍然有少少貴。如果真的想買入，最好用分注買入的方法進行。（對照龔成信箱：Q5512）
6.大快活（0052）
老師，我心儀52, 345 長渣， 但眼見就算呢期跌巿都唔係好跌， 咁其實係咪都好穩陣？
pe長期都算於歷史平均值咁滯… 幾時可入呢？謝謝解答！
龔成老師：
兩隻都是優質股，都擁有平穩增長的能力，都可以作長線投資，問題是用甚麼策略，以及可時買入。
大快活（0052）有平穩增長的能力，但現時估值在合理區的較上部，都可以分注買入。
維他奶國際（0345）同樣有一定的質素，長遠發展正面，但現時的估值的確有點貴，就算要買入，都最好回少少先開始分注。（對照龔成信箱：Q5513）
7.毛記（1716）
請問如果毛記有一手股。而家應該放嗎？
龔成老師：
如果你有睇我的片及毛記第一日上市時我的po，都知我認為這股偏貴。
毛記（1716）有潛力，但上市價是合理價，升一倍已經不平，現價當然是貴的水平。如果你有一手，而無在之前較高位賣出的話，不如長線持有，不要理佢了。（對照龔成信箱：Q5514）
8.止蝕
Hi 龔老師你好
我冇聽到老師講之前高追左三隻股依家好迷惘唔知應該點樣部署
8448係0.4入
426係1.69入
685係2蚊入
想問應該點樣部署止蝕今次輸得好甘！！求老師指點
龔成老師：
上市年期不足兩年的股票，我一向不建議投資，始終不確定性大，投機味重。
環球印館（8448）擁有部分Ｐｒｉｎｔ Ｓｈｏｐ品牌，這有一定的網絡，但問題是，企業規模始終好細，同埋賺錢好少，一年只賺幾百萬。以佢而家的市值，仍然不平，若有反彈，賣出較好。
萬華媒體（0426）在之前炒毛記時炒得好勁，但我相信中短期都唔會再炒毛記，這股亦只會回歸基本價值，要上翻去的確較難。
佢已經連續多年虧損，要等佢轉虧為盈先有希望，這要睇下你博唔博。如果從基本面睇，最好都是止蝕。如果你止蝕會有好大壓力，那就現價賣出部分先。
世界華文媒體（0685）都是同一道理。（對照龔成信箱：Q5515）
9.儲蓄安排
龔成老師你好，本人每月儲蓄$6000，最近開始月供3隻股票，分別係2、3及2800，每月每股票分別供$1000，老師覺得呢個組合如何？
另外$3000作儲蓄，老師覺得呢個儲蓄安排如何呀？感謝老師解答及意見
龔成老師：
每月儲$6000，將其中$3000作月供，是適當的做法，因為現時的市況，最適合一邊儲股票，一邊儲現金（現金作用是等機會，當大市明顯下跌時，就可以買平貨），所以，這方法對你來說是最好的。
至於月供的股票，都是優質股，都可以長期月供，長期持有。不過，如果你是年輕人，這組合就有少少保守，因為當中有兩隻都是公用股，組合長期的增長力較一般。
當然，如果你本身偏向保守，較低風險，這組合是適合你的。（對照龔成信箱：Q5516）
10.長建（1038）
老師，我打算入長江基建, 想問合理價係幾多?
電能緊會派特別息,但聽講之後再派機會唔大,我應唔應該繼續持有電能,定係除淨日之前賣左佢呢?
龔成老師：
長建（1038）以及電能（0006），現價都可以分注買入，現時估值合理。
這兩隻的定位有些不同，電能不斷派息，以及有特別股息，企業沒有太大的資金作保留發展，因此，這股長遠是集中收息，不要對股價增值有太大期望。
長和系整個策略，其實是將錢過去長建，電能派息，長建收息。長建重發展，長遠有增值力，定位與電能不同。
至於特別息，因為派完後會除淨，你唔好將這個因素放得太重，下年未必有特別息。所以，我地分析時，會集中在正常的股息。（對照龔成信箱：Q5517）
體驗1分鐘貸款批核隨時提款話咁易
平遊東京不是夢！最平住宿喺曬呢到
去大阪想搵住宿？識睇一定睇呢到！
去首爾掃貨住邊好？入嚟幫你格價搵至抵住酒店！
短trip遊台北叉叉電，即訂平、靚、正住宿出發！
去旅遊想搵住宿？識睇一定睇呢到！
延伸閱讀：
史上最貴新股歌禮製藥每手16161元抽揸沽全攻略
