細數球會3大收入佔比
廣告
「魔鏡魔鏡，邊隊係世界上最有錢嘅足球會？」一如好多問題一樣，要先搞清定義。最有錢，點計？講個人，就好易計，可以是計收入。若說「有錢人不會講收入」的話，可以計「身家淨值」（net worth，資產減去負債），以避免「李嘉誠幾千元人工」的問題。
但計公司呢？上市公司可以計市值，但多數足球會並無上市。
還是計班主有錢？有人說紐卡素的班主是沙特阿拉伯政府，最有錢。可是，班主有錢，關你鬼事？又不代表會全部給你。
還是計球會的「純利」？可是絕大多數球會，卻是蝕錢，就算賺錢都只是「雞碎咁多」。
所以，一般來說，講球會富有，是計收入。
在哪兒可以找到數字？球會雖然多數沒有上市，但還是會發放年報。只是有些球會年報是荷蘭文或意大利文，讀者未必看得懂。
幸好，會計師樓德勤（Deloitte）每年會公布「金錢聯賽」Money League的排名，就是公布收入排名頭20位的球會。
撰文：經一編輯部圖片來源：資料圖片
