辭職用1000萬買港股收6厘息 3日帳面蝕15萬 遭好友開Post恥笑

諗住月月收5萬

日前，有網民以「老死買左1000萬港股6厘收息」為題在連登討論區發文，指好朋友「前幾日quit咗份工，諗住月月收5皮（5萬港元），但3日已經股價帳面已經無左15萬，笑X死我」。

貼文一出，隨即引起網民圍攻，大部分網民不齒樓主這種「憎人富貴厭人貧」的態度，認為1000萬元是樓主朋友的，又不是樓主的，不明白樓主為何如此緊張，並指若然真的是好朋友，根本不會上網開Post恥笑人。

網民：跌得1.5%算跑贏

此外，不少網民都認為若以，1000萬元本金計算，帳面輸15萬只是1.5%，根本是跑贏大市，而且收息是看長線，樓主用3日短線去評論根本不合邏輯：

• 「人哋睇長揸收息，你就同佢計3日，九唔搭八之餘，關你Ｘ事咩嗰一千萬你嫁？」
• 「人哋睇長線，你洗咩擔心？又話老死，背後就笑Ｘ人你都幾垃圾」
• 「帳面蝕15萬=1.5%，今個星期跌得1.5%算跑贏，收息長hold唔洗理」
• 「帳面蝕15萬有乜問題？你都識帳面啫」
• 「如果佢目標淸晰係果 6 釐息，只要唔減息現兜兜收 5 萬現金，係實際可消費金額喎」

「1000萬冇15萬好少啫，隨時今日跌，聽日升番，正常波幅。」

 網民：加息期點解唔做定期

不過，亦有部分網民認為港股不一定穩定有息派，而且不認同收息是有賺或是被動收入，認為加息週期寧願做定期更好：

「一定有息派？港股，呀爺上帝之腳一野伸落去，Bye」
「不嬲覺得收息當賺左或者當係被動收入，呢種concept好ＸonＸ」
「而家加息期，點解唔做定期，要買收息股，貪佢多兩厘？」

延伸閱讀：入息中位數｜港人月搵20,000蚊「原地踏步」：呢個年齡人工開始走下坡

延伸閱讀：凶宅龍虎榜｜盤點香港五大轟動凶宅：呢單案事隔30年仲「起緊雞皮」！