「九展算唔算一個失敗死場？」網民無情踩多腳：佢係被啟德全區陀衰家！
廣告
九展位於九龍灣與啟德發展區交界，由於位置較同區商場吊腳，缺乏交通配套，只有穿梭巴士往返港鐵九龍灣站，因此商場人氣和活動未能長期維持吸引力，故被外界形容為「經典死場」。
九展＝九龍灣經典死場？
全稱九龍灣國際展貿中心的「九展」，原本集商業、會議及展覽、娛樂購物於一身，這座綜合商廈總樓面面積達176萬平方呎，曾經轉型為特賣場，近年多以舉辦演唱會、企業聚會為主。
佔地90萬平方呎的E-Max，提供戲院、食肆等消遣選擇，但因地點隔涉，人氣一直低迷；至近年電視台ViuTV以忘作為總部，才重新吸引大批年輕人到訪追星。
網民：點樣令九展起死回生？
有網民直言：「九展平日入去都冇人行，得有show嗰陣先有少少人流，到底點樣先可以令佢起死回生？」
- 「Starhall死咗，而家就真係死場喇！」
- 「個個位冇咩事都唔會入去啦！」
- 「成個啟德算唔算眼高手低？」
- 「70蚊自助餐都唔得，咁咪降到50蚊啦！」
- 「原本概念喺好，但短期政策影響。」
- 「以前做自由行死場，入面賣大陸貨扮名牌。」
- 「揸車去睇戲最爽！」
- 「九展2024重建，所有鋪頭都係完約唔續，仲有咩好搞？」
網民慨嘆：「郁吓就多幾塊商業地，郁吓又變埋住宅地，再唔喺就插多幾坐簡約公屋，連條鐵路都拆埋佢。基本上同當初規劃走晒樣。」
雖然九展被網民列入死場之一，但由億京牽頭合組的財團向合和收購九龍灣展貿中心，作價約105億，平均呎價逾5,900元，即將於2024年重建，最高能以地積比12倍重建，可建總樓面287.76萬呎，較目前多逾110萬呎。
九龍灣展貿中心於1995年落成，該幅地皮原僅作工業及展覽用途，直至2005年合和補地價逾2億元，將部分樓面改作零售及寫字樓，翌年將商場部分重新命名為「EMax」。
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：九展官網
