單身男靠父幹住900呎大屋嫌辛苦 原因曝光獲網民力撐：寧願住納米樓！

單身男獨居900多呎大屋　苦呻辛苦兼恐怖

日前，有巴打以「自己一個人住其實好辛苦」為題出帖，指自己現時一人居住在900多呎的單位，空間相當闊落，有3細房及1主人房，但對樓主來說「好寂寞、好空虛，特別係夜晚都幾恐怖」。樓主訓在主人房，但有另外2間房都只是空空如也，令樓主覺得十分奇怪，直言寧願「間屋細啲」，不明就裏的人可能會覺得樓主「晒命」，但樓主強調屋內「周圍都係無嘢擺」，令單身的他倍感難受，「你哋唔會明一個人住大屋有幾辛苦」；而且又不打算養寵物，「我唔識養，驚害咗佢哋」。

有網民身同感受　屋大但無人又冷清

帖文一出，旋即惹起連登網民熱議，其中有一名網民似乎身同感受，「我住二千呎，同埋幾隻貓都好悶，屋企人又唔喺香港住」，樓主回應，「我除咗老豆老母全部屋企人已經移晒民」，另一名網民亦搭訕，「二千呎真係大得好恐怖」；又有網民語帶幸災樂禍地對樓主表示，「無咁大個頭唔好戴咁大頂帽」，樓主回應，「間屋係老豆畀嘅……佢話諗住畀我結婚後同老婆住」。

網民勸找朋友炒熱個場

不難想像有不少網民會「搞事」地著樓主「巴打，養我咪得」、「養唔養人」、「其實一個人住150呎真係好夠，發展商真係有良心，起啲納米盤關顧我哋啲單身狗」。意外地亦有連登巴好言相勸，「我真係識人真心咁講過，話咩住千幾二千呎但父母唔理佢，寧願住四百呎有父母關心，唔識珍惜自己擁有嘅人真係度度都有」、「情況同你差唔多，不過我會叫啲朋友上黎打fifa」、「其實都幾好 又可以叫人上嚟食飯打機，又唔怕影響到屋企人」。

原文：

原文刊於《新假期》

延伸閱讀﹕35歲準老豆急籌100萬首期換大屋 惟積壓大量股票蟹貨：我應該放邊幾隻？

延伸閱讀﹕男友「婚前行為」搵笨！𠱁未婚妻聯名做樓奴：佢唔肯落我個名，正常咩？