劏房生意每月收租穩袋20萬 獲網民讚賞：劏房業主其實都係善心人
撰文：經一編輯部｜ 圖片：Unsplash
劏房業主：一定係有咁細劏咁細
根據統計，目前本港約有20萬人「定居」劏房，並且集中在唐樓群。最初劏房多數分佈在油尖旺、深水埗、荃灣和觀塘等地，直至近年，個別業主為了擴大出租利潤，不惜將私樓單位「大改造」，劏房愈劏愈多，更蔓延至將軍澳及藍田私人屋苑。
近日有網民在討論區發表劏房見解，認為「劏房生意原來真係好好賺」，原因是家中持有十多個單位作為劏房，加起來有50多間劏房出租中，每間平均月租4,000至5,000元，意味每個月「穩袋」20多幾萬收入。
樓主解釋，現時劏房多數為唐樓，不用繳交管理費，除了垃圾費等有限開支，只要「收返多啲水電費都夠cover」，更重要是不用打釐印稅，減省不少開支。
樓主明言，持有舊樓改作劏房是一門賺錢渠道，早年更試過舊區重建收購，一個單位收過千萬。
眼見樓主分享劏房賺錢之道，有人好奇問：一間800平方呎的唐樓，應該「一開四」還是「一開八」，才能將利潤提高？
樓主教路「一定係有咁細劏咁細最快回本」，更從中分享計算方法：劏10多個，每個約50平方呎，月租2,500至3,500，另設兩個公用廁所。
網民力撐：舊樓做劏房好過原間放租
對於樓主分享的劏房生意，不少人都認為有利可圖，即使劏房居住環境惡劣，只能怪「資本主意社會係咁」，又認為樓主出租劏房予基層市民屬善意舉動：
- 劏房已經變成一個創新產業
- 香港地，舊樓做劏房真係好搵過原間放租
- 劏房業主其實都係善心人嚟，無劏房大把人要瞓街
- 近年啲劏房都有啲叫有良心，唔會劏太細
- 梗係好賺，你見「財爺」帶頭搞就知啦
- 樓主唔劏邊有啲平租盤畀人住
- 直頭要畀好市民獎劏房業主
- 一個啱啱出來打工嘅後生仔，月薪得果萬幾蚊，唔住劏房點儲錢？
反對派：唔想搞到間屋污糟邋遢
另一方面，有意見反對單位改劏房，甚至部分人對劏房的存在特別反感，批評樓主壓榨別人生活必須品來賺錢：
- 樓主全家食人血饅頭
- 屋企樓上早幾年裝修做劏房，改晒啲水渠位，結果樓上漏水漏到我成間屋啲天花爛晒
- 我都有幾層樓租出去，但唔會整劏房，因為唔想搞到個場污糟邋遢
- 同就咁租出去可能差兩倍幾收入，但係多咗管理問題
- 明明租遠少少可以租酒店，有人執埋屋免費水電wifi
- 香港有咩希望呀
劏房死結：起幾多樓都唔會夠
無可否認，社會各界多年來就劏房問題爭拗不斷，面對這個根深柢固的居住問題，有人歸咎於香港薪金同生活成本失衡，又或者與公屋落成進度有關：
- 一批有樓嘅買買賣賣都係同一班人
- 另一批無樓捱緊租，根本連入場資格都無
- 公屋興建速度趕不及需求
- 唯有增加房屋供應，邊個想住劏房
- 新移民填補人口就攞公屋
「假如你係政府，今晚取締成個深水埗所有劏房，一晚之內有六、七萬人要瞓街，而呢班人入面，一大半係本地香港後生仔。」
劏房不一定違法？
有網民借機解釋，香港現存有合規劏房：劏房是分間樓宇單位，意指業主將一個單位，分間成兩個以上的獨立細單位，多作住宅放租之用，務求推高呎租，爭取更可觀的租金回報。部分劏房租盤有獨立廚廁，部分則須與鄰居共用。
如大廈公契容許單位進行分如大廈公契容許單位進行分間，而改動亦得屋宇署批准，分間實屬合法，即「合規劏房」
去年成立劏房租務管制研究工作小組
運輸及房屋局於2020年4月16日成立「劏房」租務管制研究工作小組，負責就本港「劏房」的現況向政府提交報告及意見，包括應否就「劏房」進行租務管制和/或可考慮的其他替代方案。工作小組的主要職權範圍如下：
- 審視本港「劏房」的現況
- 促進對「劏房」租務管制及相關事宜的認識
- 檢討與「劏房」租務管制有關的措施，並考慮本地及香港以外地方的經驗以檢討及評估該等措施
- 研究對「劏房」租務管制的可行性和可行方案，並探討相關事宜
- 邀請市民參與，在可掌握資料的情況下討論 「劏房」
- 租務管制相關事宜
- 聽取不同持份者的意見
