打工仔薪酬｜應徵者開價2萬遭壓價7千 拒絕offer HR表示驚訝
廣告
相信對大部分打工仔而言，轉工是為了追求更好待遇，而薪酬商議更是面試最重要的環節之一。不少人都認為應徵者將叫價設定得比期望薪酬高一點，再等對方HR略為還價，雙方一來一往再商討最佳平衡點是一個合理過程。然而，近日有網民就指自己只是開價2萬元，豈料對方HR竟大幅壓價7千！
樓主有多年大機構工作經驗
日前，有網民再Facebook專頁「奴工處」投稿，指自己早前去見工，「做完個written test和面試，翌日已收到offer，但對方壓價壓成七千蚊」。
樓主進一步解釋，自己只是開價約2萬元，收到這樣的offer便打電話過去拒絕，豈料對方HR竟對此表示驚訝！更指樓主仍年輕，未有太多年資，應該不怕捱苦，更稱已經給予樓主現職同事的入職薪酬。
樓主在帖文表示，自己已有多年在大機構工作的經驗，不解為何該公司等人用卻大力壓價，更直斥現時的HR不當求職者是人，以為後者不用吃飯就可以生存。
網民：13K係香港點生存
帖文一出隨即引來網民熱烈討論，幾乎一面倒認為該HR離地兼離譜，有人亦分享外面市道，有些更教樓主接受offer但於上班前一天臨時退縮：
- 「HR 無野做的，就唯有壓下你價表現比老闆知，自己有做野。」
- 「而家呢個時勢其實都唔知點解要壓價壓到咁，飲食業直頭有公司夠膽死叫人時薪試工試三個月再考慮下轉唔轉長工約。」
- 「呢啲唔洗聽佢ＸＸ啦，未入職已經講到你一文不值，呢啲咁嘅公司唔做都罷，一聽到壓七千即刻cut 線加block啦，反正冇將來。」
- 「而家周圍都請人，唔打呢家打另一家，但通常都會有人肯做爛市。」
- 「13K個月係香港點生存？」
「認真，13k都敢出，條友都唔係幾等人用。」
- 「識玩緊係accept offer 再onboard 前一日講byebye。」
- 「依家啲打工仔呼吸已經當係食左lunch架啦，係搭車先要用錢咋嘛。」
- 「一街18k都請唔到正常人。」
- 「你叫得兩萬人工相信都有返咁上下經驗同專業，佢可能係想等你還價都唔定，不過咁壓價法間公司肯定唔慌好做。」
「HR壓價唔緊要，大家唔同位置無意見。最重要，呢個HR咁離地，你reject offer，HR表示驚訝喎！ 理由居然係年輕，有無腦，佢歧視？ discrimination ，唔係只講年紀大，年紀細同工不同薪都歧視架！ 樓主揾過份，呢個HR仲活係廿年前。」
圖片來源：unsplash@charlesdeluvio
