連登仔 職場

連登仔打工20年領悟「職場十個不」 網民圍爐求生存:行錯呢一步變地底泥!

職場熱話

廣告

轉眼一年,即將踏入畢業季節。Fresh Grad們首次踏入職場返Full time,正式成為上班族,難免會感到徬徨。近日,就有工作廿年的資深打工仔,在網上討論區分享自己職場生活中的10個領悟,表示返工要時刻提醒自己,不要與公司發生感情。

連登仔 職場
(圖片來源:政府新聞處)

連登仔:職場「十個不」

樓主在討論區發文,表示自己現時已經「上岸」,目前全心經營副業,同時總結自己打工約20年的職場經驗,領悟一套萬用的職場「10個不」:

  1. 不同公司發生感情,大家雙方只係互相利用
  2. 不同同事發生感情,大家十成九都只係互相利用
  3. 不無償ot咁傻,你要上位係要有足夠時間自我增值,唔係做窮忙族愈做愈窮,如果有經濟需要就做住先唔好諗長做
  4. 不留係同一公司太長時間,除非你做到絕對絕對高層(唔係偽高層,尤其係銀行果d)先考慮下做耐少少,打緊風流工就當我冇講過
  5. 不要甚麼都say yes,人哋只會愈得寸進尺,當你傻仔咁洗,有一次say no人哋會懷恨在心做死你
  6. 不介懷一時失意,冷靜面對努力改善總有出頭世界上好多機會
  7. 不一朝得志就語無倫次,好易過身
  8. 不出盡風頭懶醒,自己工作範圍內就做,範圍外話知你死
  9. 不扯開自己真面目,四兩撥千斤好過惡言相向,職場唔需要傷感情
  10. 不讀無謂課程,實戰經驗好過讀垃圾嘢多多聲,如果係行內必需就當我冇講過
連登仔 職場
(圖片來源:連登討論區截圖)
連登仔 職場
(圖片來源:連登討論區截圖)

網民圍爐:現代警世文!

樓主十大職場打工心法吸引不少「同路人」讚好,有網民在帖文留言分享更多職場奇聞,成功引起大批網民共鳴,極速獲得逾2,000個讚好。當中,有現職打工仔非常同意樓主的「十個不」,彷如傳統「莫生氣」的警世語錄,揚言要貼在辦公室的當眼處,時刻引以為戒分享自己的職場經驗。

眼見樓主列出打工仔職場十大戒條,有網民順道提醒:「大家返工記得睇錢,不要純粹為啖氣,否則只會變成同事眼中的傻仔。」

不過,打工不如意事十常八九,有留言表示自己在公司遭受不愉快經歷,令帖文在短短數日吸引網民集體「圍爐」,以下各種職場現象,大家又遇過多少呢?

  • 「遞咗信之後先知所有同事都係載住面具做野!」
  • 「香港人係性本惡,不過最鐘意扮性本善!」
  • 「越轉越高人工=人才,周圍都爭住要!」
  • 「總之一個字:錢!加錢乜都做,唔加錢就hea做!」
  • 「我6年轉左3份工,依家人工、福利仲好過舊公司同事。」
  • 「不要做港資細公司!」
  • 「唔好咩都認叻,一做錯嘢實比人踩到地底泥。做嘢低調就好,有實力自然會有人睇好你。」
  • 「呢個世界永遠冇話冇咗邊個唔得,大家出得嚟打工都係粒齒輪。」
連登仔 職場
(圖片來源:連登討論區截圖)
連登仔 職場
(圖片來源:連登討論區截圖)

香港失業率:4.5%

根據政府統計處公布,去年12月至今年2月經季節性調整的失業率為4.5%,比去年11月至今年1月顯著上升0.6個百分點;就業不足率上升0.5個百分點至2.3%。 期內總就業人數減少約33,700人至3,642,800人,總勞動人口減少約11,000人至3,800,700人。

值得留意,去年12月至今年2月期間,幾乎所有主要經濟行業的失業率和就業不足率均見上升。當中建造業、零售、住宿及膳食服務業,以及藝術、娛樂及康樂活動業的失業率升幅相對明顯。

至於就業不足率方面,上升主要見於零售、住宿及膳食服務業,以及藝術、娛樂及康樂活動業。

勞工及福利局局長羅致光表示,受本地第五波新冠疫情影響,勞工市場急劇惡化。又指。由於嚴峻的本地疫情嚴重打擊消費並干擾經濟活動,勞工市場短期內將繼續受壓,政府的紓緩措施應能提供一定支援,而勞工市場往後的發展將取決於本地疫情如何演變。

延伸閱讀:移英港人注意!NHS招聘大量職位 唔係醫護都做得 1家4口最多慳11萬IHS費用

延伸閱讀:「出租閒人」爆紅!服務過千名「特別」客人 捉寶可夢、扮空氣乜都得:神奇經歷仲翻拍日劇!

圖片來源:政府新聞處、劇集《社內相親》截圖、連登討論區截圖