CV

CV嚇親人!求職者用Cafe自拍照再P圖 HR即時落閘DQ:原來咁多人無常識!

職場熱話

廣告

履歷表可說是讓面試公司認識自己的「第一印象」,因此整理一份精美履歷表去見工十分重要,亦有人會加插自己照片以更好介紹自己。近日討論區上有職業為HR的網民指,曾經收過一份履歷表,上面的照片竟是生活自拍照,令他哭笑不得。

CV
(圖片來源:Unsplash@TimGouw)

P圖加生活照不宜放入CV?

有網民在DCard討論區上,以「cv居然用p過圖嘅生活照」為題發文,指出自己身為HR,曾經收過一些履歷表,上面的照片竟是生活自拍照。

該位HR寫道:「做HR真係見多咗好多世面,一啲以為係常識嘅嘢原來有咁多人係唔識,今日見到份cv用照佢自己係cafe自拍照,仲要好明顯有p過,塊面有陰影曝光咁樣。」

隨後又表示,「真係哭笑不得,有啲公司可能接受到生活照,但可唔可以做下功課我哋呢間有冇得用呢…」,認為各位求職者應該先了解求職公司的基本資訊。

CV
(圖片來源:DCard討論區截圖)

網民反問:生活照有乜問題?

有網民對該HR的言論表示不贊同,認為履歷表內放生活照並沒有問題,只是讓公司了解更多個人資訊,亦有人分享自己收履歷表的經歷,即使放生活照,亦能收到不同公司給予工作機會。

  • 我係大學做hr,見過有個黑人保安哥哥張相係一堆保安嘅合照 都唔知邊個係佢。
  • 我想知點樣知你個間有冇得用?,Btw之前做一間食品+設計,我地會幫手請設計,佢地啲相都係生活照。
  • 我自己就冇放過相,同埋應該都有啲直接問你拎證件相,不過我睇個啲cv真係好多係咁,都算靚仔靚女添。
  • 睇到個樣就得啦,唔講以為你公司係投行律師行,最重要嘅係佢對答文筆同經驗,CV洗鬼咁正經咩,咁都要俾你笑「唔識」,依啲都係睇你公司culture,你公司連放張casual相都放咁大嚟講
  • 俾著我係個applicant都覺得你地小氣又唔係friendly environment⋯⋯
  • 人地出面啲多業餘互動嘅公司hr見到你俾啲生活相原來鍾意四圍玩都一早加好感同印象。
  • 有時係香港成日見啲hr乜都笑,除非真係填錯野,唔係人地填自己興趣又笑,填自己業餘獎項又笑,填啲唔關事嘅skills又笑。
  • 講真咁係你地公司文化拘謹,你地文化同applicant唔啱,唔代表人地要俾你地笑。
  • 佢話俾你知Photoshop能力去到邊啫。
  • 有咩出奇,所謂cv 都係大家做場戲,咁認真做咩。
CV
(圖片來源:Unsplash@Markus Winkler)

亦嘆求職者入世未深

另有人留言稱,或許是該求職者入世未深,認為應給予機會;亦有人稱不應在履歷表中放入照片,以免減低錄取機會。

  • 入世未深,請繼續努力吧。
  • cv 點解會放相。
  • 其實好大機會調返轉唔搵佢哋見工。
  • 可能人地俾唔起錢去影professional CV 相呢。唔P又俾你地班HR笑樣衰。
  • 正常都會P下。
  • 不嬲都用開生活照擺上cv都照有幾間offer比到我。
  • 之前無放但我上網睇sample都有,又有個hr朋友喺到罵人cv連相都唔放張點認,所以就放左。
  • 靚仔/女會加分ga, 大d機會搵佢地interview。
CV 失業半年真空期見工如何解釋?網民:疫情影響、放長假抖下、什至出賣家人?
(圖片來源:Unsplash@Taan Huyn)

CV點樣執最好?

早前怡和餐飲集團的人力資源部人才招聘團隊分享了成功求職例子——求職者除了要具備軟硬技能,亦應充份掌握撰寫履歷表 (CV) 和面試技巧等求職技能。

以應徵電子商務相關職位為例,求職者可重點展示營運網店、網頁等經驗,讓HR清晰知道你已熟悉電子商務操作流程、有較強的客戶服務意識和溝通協調能力;而應徵食品研發相關職位時,除了列出與食品營養相關、食品的研發經驗等的硬實力外,求職者如能表現對烹飪的熱忱及創意更佳,同樣能在應徵時讓 HR 留下深刻印象,增加進入第二輪面試的機會。

團隊又解釋,CV 格式不用太花巧,例如字型及顏色應保持一貫風格,求職者亦應多加注意文字排版有否予人整齊、舒服及易於閱讀的感覺,讓相關的能力和經驗一目了然。若設計過於花巧或凌亂,容易模糊焦點,更有機會被直接「秒殺」,從而失去進一步的面試或爭取入圍的機會。

圖片來源:DCard討論區截圖、Unsplash@TimGouw、DCard討論區截圖、Unsplash@Taan Huyn