返工來回搭車逾3小時|呻東鐵頭等無位坐、網民鬥

返工搭車逾3小時|呻大埔去南區無位坐、網民圍爐鬥慘:我每日西貢返東涌!

職場

廣告

香港上班的交通工具雖多元化,不過若然遇上塞車,或者屋企附近沒有鐵路網絡覆蓋,返工隨時遇變成苦差。有網民表示在社交網站大吐苦水,表示返工來回時間需時3小時。車程隨時多過香港飛高雄。

返工來回搭車逾3小時|呻東鐵頭等無位坐、網民鬥 有網民反映返工搭車時間超過3小時。繁忙時段東鐵頭等車卡,更加是滿座沒位。
有網民反映返工搭車時間超過3小時。繁忙時段東鐵頭等車卡,更加是滿座沒位。(圖片來源:政府新聞處)

繁忙時段東鐵頭等車卡滿座

一名自稱是「搭車都搭死」的網民在「奴工處」分享返工體驗。反問網友:「返工來回3個鐘嘅你到底係點捱?」

樓主解釋自身情況,指家住大埔,工作地點是港島南區。

首先由乘搭東鐵一刻,樓主已感覺進入煉獄。「每日逼90分鐘先返到公司,有時返到去都冇精神做嘢」

「每日搭車出東鐵有時走咗一班都等10分鐘。頭等又full到得返企位,而家仲要9卡。」

返工來回搭車逾3小時|呻東鐵頭等無位坐、網民鬥 有網民反映返工搭車時間超過3小時。繁忙時段東鐵頭等車卡,更加是滿座沒位。
有網民反映返工搭車時間超過3小時。繁忙時段東鐵頭等車卡,更加是滿座沒位。(圖片來源:政府新聞處)

預早2小時出門口

樓主續說,由於公司不准許員工遲到,工作又不時要OT。故他會提前兩小時上班。「每日逼返公司再逼車返屋企。」同事住在公司附近,讓樓主感到羨慕。

「只要你夠窮,無野捱唔到」

帖文一出,引起海量網民共鳴,更出現「鬥慘情」的情況。有不少人表示來回上班時超過4小時,若過以一天8小時的工作制,搭車等如上班一半時間。亦有人表示為了搵食窮,點都要捱過長時間搭車的過程。

「我上水番柴灣,朝朝5點起身8點先番到屋企。」

返工來回搭車逾3小時|呻東鐵頭等無位坐、網民鬥 有網民反映返工搭車時間超過3小時。網民提議手機睇片,消磨時間。
有網民反映返工搭車時間超過3小時。網民提議手機睇片,消磨時間。(圖片來源:unsplash@NordWood Themes)

責備樓主「唔捱得」

  • 你有本事就搵過份工,這個世界係不公平
  • 兩個撰擇,一係轉工,一係搬屋。
  • 點捱?無左份工 又無錢洗果陣 你點都捱落去喇
  • 如果唔洗照顧家人,份工唔洗ot ,一日翻10小時之內 ,其實應該可以承受到

更有網民提出「建議」,教導樓主如何消費時間。

  • 當坐飛機
  • 上吓YouTube 都到啦
  • 去google play買書,下載廣東話語音(如果你聽得明普通話或睇慣英文書可慳番),合埋眼,開朗讀。

圖片來源:政府新聞處, unsplash@NordWood Themes