香港人悲哀 開口埋口講返工 「唔使做有食有住就可以唔講金」|網民熱話

香港人悲哀 開口埋口講返工 「唔使做有食有住就可以唔講金」|網民熱話

【香港・網民熱話】同屋企人多數會傾咩話題?近日有網民大呻做香港人好攰,見住大家食飯話題淨係講搵工、返工,唔通香港人嘅人生淨係得返工?

撰文:Smart ED編輯部|圖片:香港討論區、電視截圖、unsplash

有網民認為唔傾工作同錢有關嘅話題,大概可以傾下旅行,空餘活動,新聞⋯⋯不過持相反意見者就覺得,唔少媽媽可能未去過旅行,空餘打麻將,新聞隨時可能同你反檯。

香港地現實,似乎係改變唔到嘅事。要生活就要錢,錢從何來?有自稱係公司director,攪緊生意,其母親都叫佢搵份工唔好靜係坐喺度。

香港 返工 網民熱話
【香港・網民熱話】 圖片: 電視截圖

網民似乎傾向覺得,香港父母開口埋口提住,叫子女搵工返工係好正常嘅事。

「咁踏出社會,唔搵野做,日日遊手好閒想做咩呢?

唔通佢老豆老母,問佢昨日打機打到第幾關咩?」

「唔止香港人,咩地方既人都係要為錢生活。」

「邊個地區既人係唔使返工?」

香港 返工 網民熱話
【香港・網民熱話】 圖片: 電視截圖

香港地咩都貴

網民心聲:「香港咩都貴,想仔女幫補家用都好正常 。但諗深一層, 一家人坐底都係搵工,其實好無奈  。」  人的一生並不是返工,但平民的一生就須要『揾食』。連工作都無,你日常所需從何而來?人大了,基本上無可能問爸爸媽媽拎。「咁大個人唔通又問父母拎錢, 我都做唔出」

「咁樓主又點睇啲人唔返工搵錢但又要使(洗)費?

覺得咁樣就係好英雄?」

香港 返工 網民熱話
【香港・網民熱話】 圖片: 電視截圖

有人提到,如果屋企冇資金壓力的話,就唔會咁樣講。不過一提到錢,有人表示冇錢好多事想做都做不到!「呢個世界要合法搵錢不外乎三個途徑,1. 打工 2. 創業 3. 投資,但2同3需要有一定的錢才可能成功! 」

「你有冇錢先!有錢可以去澳洲住二三个月 避暑!冬天才回港!」

如果覺得自己要返工好慘,覺得都係因為無錢嘅問題。最住自我安慰嘅方法就係: 「找一份無咁辛苦既,忙裡偷閒,上香討同埋間唔中可以 hea 下嘅工。」