盤點人生中最窮時刻 全身得$2.5 同老豆一個包兩份食|網民熱話

盤點人生中最窮時刻 全身得$2.5 同老豆一個包兩份食|網民熱話

【人生.網民熱話】一生人流流長,筆者相信每個人都曾經嘗試過手頭緊、周轉唔黎嘅問題出現。近日,就有連登巴打喺討論區發文問各位巴打人生邊個moment最感受到自己嘅最窮時刻,但係有大部份人嘅答案竟然都關屋企人事,一齊睇下大家人生中最窮時刻。

撰文:Purple弟弟| 圖片:unsplash、電視截圖、新傳媒資料室、討論區|資料來源:討論區

人生中最窮嘅moment

喺近日嘅發文同埋討論入面,都會見到有不少巴打絲打分享佢哋人生中最切實感到貧窮嘅moment,就好似呢位巴打咁,話細個試過因為窮,又好想食糖嘅情況下,試過去執人地掉咗喺地下嘅嚟食。

網民熱話 人生 貧窮 捱窮 家人 討論區
不少巴打絲打分享佢哋人生中最切實感到貧窮嘅moment。圖片:電視截圖
呢位巴打試過去執人地掉咗係地下嘅糖黎食。圖片:討論區

一個包食三餐都有

見到呢個comment既時候,筆者真係無諗過連食一粒糖都可以係咁難。有巴打就話同個老豆分開個包兩份食,或者一個包食三餐都有,咁樣睇真係連筆者都覺得惡頂。

網民熱話 人生 貧窮 捱窮 家人 討論區
見到呢個comment既時候,筆者真係無諗過連食一粒糖都可以係咁難。圖片:電視截圖
有巴打就話同個老豆分開個包兩份食,或者一個包食三餐都有。圖片:討論區

人生最窮時 都關呢個人事

但係筆者最估唔到有超過一半既巴打係回想最窮嘅時候竟然都同女朋友有關。有巴打就話最覺得窮既時候就係見到個ex而家個男朋友好有錢,都會令到巴打們覺得窮。

有巴打就話最覺得窮既時候就係見到個ex而家個男朋友好有錢,都會令到巴打們覺得窮。圖片:討論區

亦有巴打話覺得窮係因為無法戰勝倫敦金戰士從而抱得美人歸。自古問世間情為何物,估唔到而家窮都關情事,真係要大叫一句好難捉摸。

如果單單係輸俾一個正常的金融才俊的話,巴打應該不會傷感至此,不過竟然是一位倫敦金戰士的話,筆者都明白巴打果種生不逢時嘅感受。

網民熱話 人生 貧窮 捱窮 家人 討論區
超過一半既巴打係回想最窮嘅時候竟然都同女朋友有關。圖片:unsplash

因為窮而無得二人世界⋯

除咗以上呢啲因情而起既經歷外,仲有巴打分享中學時期因為窮而最後導致無法叫當時女友返屋企共渡良宵。眼見呢位巴打因為當時無法買一張雙人床而要錯失與女友好好相處既機會,筆者都覺得呢位巴打好慘。

不過就正正因為有當初咁悲慘嘅經歷,親身體會到窮既感覺,作為香港人嘅我地先至會發奮圖強。每論係打工定係創業,就係要抱著唔可以再回頭望嘅決心,咁樣最後總會搵到成功發達嘅秘笈。

網民熱話 人生 貧窮 捱窮 家人 討論區
有巴打分享中學時期因為窮而最後導致無法叫當時女友返屋企共渡良宵。圖片:新傳媒資料室

 

相關文章