滾大資產 月供股票 龔成信箱 收息股

想8年內滾大資產至$200萬 兩個關鍵位要做到 |月供股票 |龔成信箱

投資

廣告

【月供股票】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括強積金、貼現率、月供股票、年金計劃、增長率,以及收息股等提問。

撰文:龔成 |圖片:新傳媒資料庫、unsplash

1.財務自由

呀sir你好呀,本人今年27歲,有約15萬蚊現金,呢家收入15000,有時有ot同補習錢幫補下,每月儲1萬,有將月儲既$6000進行月供股票(實行左半年,長建$2000,比亞迪$2000,煤氣$1000,盈富$1000),$4000留現金

另外持有以下股票
1手長建
2手金沙
1手比亞迪電子
1手中國人壽
3手陽光

1)我目標想30歲有100萬,35歲有200萬,好想能夠做到每月有一定既股息收,做到財務自由,呢個目標可行嗎?

想問我既投資組合有無問題 有無改進既地方?黎梗入既股票應該簡潛力既定收息多啲嘅黎將利息滾存,才可容易達成目標呢?可否建議一下入邊隻。

2)另外,如果想月供股票加多$1000,加埋落比亞迪定銀娛會對我較好?長建會否轉地鐵個增長力會大啲?如果係你你會點分配呀。

3)有15萬現金現在應該留住先定可以拎一半入市?

 

 

 

龔成老師:

1)有可能,但你要加大力較去儲錢去投資先得,因為單計現時的情況及增長力,機會只算中等。相信加大儲蓄力度,以及如何善用剩下的現金,將會是當中的問鍵因素,基本上,現時的月供部分可繼續,只是如果運用餘下現金的問題,這部分應小心選潛力股及平穩增值股,把握較平時投資,就會助你財富有明顯增長。

2)銀娛(0027)同比亞迪(1211)都可,我建議比亞迪多。另外,保持長建(1038)就得。

3)可以動用3份之1,總之,要到好恐慌,先會動用最後的部分。

(對照龔成信箱:Q7364)

2.收息股

龔成老師你好,已留意你的分析一段時間。我今年47歲,有現金60萬,預計60歲退休,每月16000可作投資,應該如何分配投資

預計55歲增長到300萬,有可能嗎?

月供組合會選擇2800盈富基金,其餘想選擇有增長的,當中也有收息的:

煤氣、港鐵、中電、中國移動、電能實業、建行、中銀香港

我應如何分配?

 

龔成老師:

以你現時的年齡情況,投資時會偏向穩健。「平穩增值股」+「收息股」,是較好的方向。

要在55歲有$300萬,即是約有8年時間,假設你能投資每月$16000,單計本金,8年就有$150萬,如果連用之前的$60萬計,本金合共有$210萬,要增值到$300萬有可能,但就有可能要配合市況先得。

雖然進取一點,做到的機會會較大,但以你的情況,又唔建議大進取,所以不建議大執著去追這目標。反而穩健行先,投資「平穩增值股」+「收息股」,相信組合增值至$250萬-$300萬是做到的,但就要睇股市中長期情況。

$60萬的部分,建議你分注買入收息股。至於月供股票,可以集中供平穩增值股,盈富(2800)供較多,其餘包括:煤氣(0003)、港鐵(0066)、中銀(2388)、建行(0939)就得。

(對照龔成信箱:Q7363)

3.富力地產(2777)

請問富力地產(2777)前景如何?值得吸納收息嗎?謝謝你抽時間指教!

 

龔成老師:

富力地產(2777)不過不失,近年因為國內物業市場向好,這股的生意與賺錢能力都不錯,但當中不是無風險的,如果樓市逆轉,就會對其生意造成影響。

另外,這企業的負債好高,無事就無事,有事大件事。這都是另一風險因素。

雖然此企業之前的派息理想,但收息股一般都是好穩健的,但這股本質有風險,往後的股息與股價都可能有一定的波動性,以此作為收息股,未必適合。

(對照龔成信箱:Q7349)

4.增長率

如果買入股票 以年計有 10至20% 增長 可長期持有?

 

龔成老師:

可以呀。

如果佢保持15%的複息增長,這是一個不錯的增長率,我地邱一直持有這股,因為在長遠計,當中的回報好驚人,這是複息的力量。

所以,我地不會輕易賣出這股,因為當賣出後,我地要找另一個投資項目再有15%並不容易,那不如一直持有原有的項目會更好。

(對照龔成信箱:Q7350)

5.盈富(2800)

Hello,我最後向南X開了戶口,但係有一個問題出現了,因為佢個list 上面冇得工2638

咁個職員介紹我供佢母公司電能實業,但係我睇反呢一年都record都係drop..搞到我又唔係好想供呢隻,咁請問有邊隻可推介.?

依家入左係2800($2000/月)
3($1000/月)

咁重有2千蚊可以供邊兩隻好?

 

龔成老師:

咁不如集中供盈富(2800)。

你供盈富同煤氣(0003)可以的,這都是一個好策略,你只要長期進行月供就得。

如果你每月仲有$2000,其實可以睇下你想平穩收息定增值,如果你想增值,就供埋盈富,不用擔心太多資金,盈富本身有分散風險的作用,供多D都無問題。

如果你想平穩收息,你可以買入港燈(2638),即是不做月供,直接在市場上買入,因為港燈一手只是$4000左右,基本上,你可以每隔3個月入一次,其實咁樣都做到儲貨,以及平均買入價的效果。

(對照龔成信箱:Q7351)

6.年金計劃 

老師想問問我依家情況點呢。我27歲..月入20K

家用2K 儲蓄保險2K MPF+公司股份 3K 還錢給家人1K(還有很長時間) 月供8K (66,823,1038,3) 各2千 自己洗費 2k
剩下2K 係咪儲起佢

同埋如果我依家去Join

1 健身教練plan會唔會不自量力 800蚊一堂 至少維持1年 大約要花5萬蚊 (因為我覺得身體好差 覺得有D金錢係需要洗的) 你唔識做 格硬去做 反而會適得其反

2 需唔需要再加 一個年金計劃 我預供500 供20年 個額會加 如果人工加 例如人工加1千 會加一半落個每月供額

 

龔成老師:

你27歲,是進攻的黃金時間,應該用較多的錢去進攻,儲蓄保險的部分已足夠,就不再增加。

月供股票$8000可以,當中的選股都是有質素的,都能夠助你的財富保持平穩增值。至於餘下的$2000,就先儲現金等投資機會,如果你擔心自己會亂花左佢,那可以逼自己做多$2000月供股票,供比亞迪(1211)。

至於健身plan,要視乎你的實際需要。我比較建議你不用參加。因為如果你想做運用,可以簡單地每日跑步,一毫子都唔洗,但就會有不錯的效果。

至於年金之類的項目,以你現時的年紀,不用投資。集中在進攻部分,反而學好股票知識更有用。

(對照龔成信箱:Q7352)

7.貼現率

老師你好,最近我看了「畢菲特給股東上的投資10堂課」,有d野想問:

1. 佢話畢菲特會用貼現率計算公司的價值,什麼是貼現率?是現金流折現的意思?

2.佢話畢菲特好中意用套利呢個方法來賺錢,等公司合併等活動而賺取利潤,這算是投機的行為還是什麼?

謝謝

 

龔成老師:

1)當我地做企業估值時,有好多個方法,其中一個是現金流折現法,即是用將來預期的現金流,用折現率折成現價值,然後總加,即是當中要選一個折現率。而這個折現率是多少,雖然都有一些方法計算,但就沒有絕對的方法,而巴菲特就會用貼現率去計算,簡單來說,就是用一些長年期美國債券的利息作指標,只以一個無風險利率作基準計算。

2)因為佢好仔細計算過當中的回報,以及發生的可能性,所以,嚴格來說都是投資。但行為上有點象投資。其實當中的區別,是你是否確保資金的保障性。

(對照龔成信箱:Q7353)

8.大唐新能源(1798)

你好,想問下01798 大唐新能源
此股值得投資嗎?

 

龔成老師:

大唐新能源(1798)不過不失,近年的生意增長不錯,但過往就有業務波動的情況,因為佢會受資源成本等因素及政策等影響,情況有少少被動。

整體來講,都有投資價值,但質素就不算好高,未必值得太大注投資。

(對照龔成信箱:Q7354)

9.強積金

老師你好

參考你平時的建議後,我現在持有2手建行($7.82入,),1手平安($84),1手金沙($41.57),現在我是否需不用理會個波動,可一路持有

另外我從來都冇管理過強積金,選用了平穩,保本的,但我現在32歲了,想重新計畫好,應如何選擇,睇左啲強積金建議,但係對我黎講太複習
謝謝你

 

龔成老師:

係,你唔需要理中短期波動,雖然你見大市上落好大,但你持有的企業本質不差,只要企業優質,中短期股價不用理會,但你要學習克服心理因素。

強積金的管理方法好簡單,你只要按你的人生階段投資就得。而年輕人會著重增值的,所以你要調整至增長力較高的基金。之後,到年齡漸大,才慢慢調至低風險的組合。

(對照龔成信箱:Q7355)

10.長和(0001)

請問如果從長和同長建之中揀一隻作月供,應該揀邊隻呢?謝謝

 

龔成老師:

長和(0001)是綜合企業,當中有不同的業務,加上規模大,就會令增長力不強,但就會較為有風險分散,同平穩的效果。

至於長建(1038),是長和系中,基建的進攻部分,近年不斷收取電能(0006)派的股息,持有一定的現金。雖然近年的增長不算好,因受歐洲影響,但長遠不會太差,如果你想增值多一點,就選長建。

(對照龔成信箱:Q7356)

 

延伸閱讀:

90後月供盈富想加供一隻 呢隻增值股可考慮