【經一專欄】診所職場事 【寶豬趣聞】良好市民 |珍寶豬

【經一專欄】診所職場事 【寶豬趣聞】良好市民 |珍寶豬

經一專欄診所職場事】有日一位小姐嚟到診所。
佢四圍望,我:「小姐,係咪睇醫生呀?」
佢:「啊,係呀係呀,我仲喺度望緊邊度登記添」
我明明咁大份,你都睇唔到我…
我:「麻煩你俾身分證我登記啊」

撰文:珍寶豬

佢邊拎出身份證邊問:「有冇得date back㗎?」
回到舊時?你搵錯人啦,你搵嘅應該唔係我哋醫生,我哋幫唔到你挽回逝去的青春。
我:「冇㗎,我哋淨係寫即日㗎咋」
佢:「我唔係要假紙喎,我梗知假紙冇得date back啦」
我:「我哋係咩都冇得寫返轉頭~」
佢:「轉介信都唔得咩?」
我:「唔得呀」
佢:「點解呀?又唔係啲咩緊要嘢」
唔係緊要嘢,你咁緊張要寫返轉頭嚟做咩呀?
我:「所有文書都唔可以寫返轉頭,寫咗就係虛假文書」
佢:「但係我要返張喎,爭幾日唔怕呀?」
我:「爭一日都唔得㗎」

佢:「你聽咗我講先,我唔係啲咩緊要嘢嚟㗎咋,我自己去咗睇專科,睇完之後去claim保險啦,保險話要有返張普通科醫生轉介我去專科嘅信咋,你係普通科呀嘛,即係你寫啦?」
我:「不過我哋冇得寫返轉頭」
佢:「咁我claim唔到錢㗎喎」
所以呢個問題係我哋嘅問題?
我:「總之我哋可以寫轉介信,但係就唔可以寫之前嘅日子,係寫即日嘅」
佢:「你都好似唔係好明我講咩咁喎?」
我:「我明呀,你想寫返之前呀嘛,我哋冇得寫呀」
佢:「我又唔係專登嚟搵你哋麻煩,我想寫返幾日前咋喎,特殊情況下係咪應該可以幫幫手呀?」
有幾特殊呀?你咪又係凡人一個,NEXT!
我:「我哋唔會寫虛假文書㗎~犯法嘢唔做㗎~」
佢:「我夠係一等一良好市民啦!得啦!我唔會求你!你冇生意咋嘛!」
小姐嬲豬離開診所。

The user will never see this