有樓仲有名首置買樓？唔賣樓只是原地踏步｜經一專欄

網友： 好奇怪想問吓，點解你仲會有名買嘅？
筆者： 賣咗樓咪有囉！
網友： 賣？賣咗咪買唔番囉？
筆者： 唔賣？只係原地踏步~~
點解會咁問？好簡單！因為在辣招之下，非首置人士買樓，就要繳付相當於樓價15% 的勁辣印花稅，基本上除了「錢不是問題」的豪客，即使未見官先輸15% 都面不改容，否則正常情況下，只要你有樓在手，是不會再買樓的。
相關文章：有筍盤你都唔識執 10個一世買唔到樓的常見心態

捨得賣樓嗎？

如果你手上只有一層樓，沒關係！隨時可以賣，賣完又可以買，都是首置。但如果你有幾層樓呢？
過去十幾年，樓價翻了好幾倍，加上早年未有辣招，非首置人士買樓，就要繳付相當於樓價15% 的勁辣印花稅
從需求管理角度看，辣招下他們不能再買樓；從供應角度看，如果他們賣了樓，就買唔番，所以就形成不願賣樓的心態。

問題是…不賣樓，又如何有名額再買樓呢？
筆者絕對捨得賣樓，尤其是已經升了很多，未來水位不多的，又或者樓齡已經有番咁上下，再唔賣未來或會跑輸大市的，都賣！
如果你問：「點解你會有名買樓？」
明顯地，你是有多於一個物業，但又不捨得賣樓的人。

懂得賣樓嗎？

除了捨得賣樓，也要懂得賣樓，幾時賣？如何賣到好價錢？
固然是重要學問，有機會再談，現在先說如何賣樓可以有更多名額。
例如一家人裡面，例如父母可能已經有幾個物業，賣一兩層都未必是首置，幫不了甚麼，而且年近退休，想買都未必借到錢。
相反例如子女名有一層樓，賣樓之後就是首置了，那就有意思了！例如年青的弟弟、妹妹，只持有一個物業，就更應該賣樓。

【賣樓】捨得拆名

除了賣樓之外，也要捨得拆名。過往很多人都喜歡聯名買樓，最常見的是夫婦，情比金堅，又點及得層樓加埋佢名咁堅？
甚至有些家庭觀念很重，很有責任感的父母，會加埋子女的名，令家人更和睦和諧，也免卻將來承辦遺產的麻煩。

問題是…聯名持有物業，即是唔首置啦！買樓就要俾辣稅了！
所以近年就好多人會拆名。
例如夫婦倆人聯名持有物業，老公將自己的一半業權賣俾老婆，那自己就回復首置之身了。
由於拆名是有代價的，要繳付印花稅，例如樓價1000萬，老公將一半業權賣給老婆，就要用500萬打稅，要花十幾萬的，很多人都覺得貴，所以就冇做了。

【賣樓】敢於嘗試新事物

當然，即使捨賣樓，捨得拆名，可以買到幾間，也不能像以往無止境的買樓儲樓咁爽，買到幾間都好難再買，就算再買都借到錢，所以終極的做法，是要跳出舒適圈，開發新的投資。
筆者自從幾年前開始就減少住宅的比重，大約一至兩成的資金投放於大陸樓，五至六成的資金投放於工廈，過去幾年，團隊在活化重建方面的成績做得不錯，已晉身成為小型發展商，品牌亦已廣為人識，過往的項目都能做到全數沽清，過去兩年的回報都達到20%以上，甚至比住宅的回報還要高。辣招之下，是時候開發新機遇了。