分享至
    屯門市廣場兇殺案上層戶擬減價賣樓 網民斷言按揭「凍過水」:上下層至少折兩成

    屯門市廣場兇殺案上層戶擬減價賣樓 網民斷言按揭「凍過水」:上下層至少折兩成

    不少人會將曾經發生命案、意外導致傷亡的單位一律被視為「凶宅」,部份迷信的買家都會對凶宅避之則吉,免除心理上的恐懼,亦要考慮銀行審批按揭的成功率。

    撰文:經一編輯部| 圖片:AM730、Unsplash

    昨日凌晨,屯門市廣場發生一宗凶殺及自殺雙屍命案,一名67歲男子從高處墮下屋苑第四座平台,證實不治。其後,警方登上屯門市廣場第四座的高層單位調查,破門入屋後發現一名60歲女子昏迷,惜送院後證實不治。

    (圖片來源:連登討論區)
    (圖片來源:連登討論區)

    凶宅上層住戶:減一成賣得出?

    不少市民對上述事件大表震驚和惋惜,當悲劇發生後,有屯門區網民隨即在網上討論區發文「有冇人係今日屯門兇殺案嘅鄰居」,雖然帖文只有兩句內容,但足已引起網民參與討論。

    樓主只在帖文中表示「我住喺上層,減一成賣得出?」,根據網民解讀,相信樓主是肇事單位的上層住戶,因下層單位發生「新鮮熱辣」命案,打算將自住單位盡快放售。

    屯門市廣場男子墮樓亡 警登門揭女子伏屍睡房
    屯門市廣場日前發生凶殺及自殺雙屍命案,一名男子從高處墮下屋苑第四座平台,證實不治。(圖片來源:AM730)

    惟市場對「凶宅」定義各有解讀,有時更會影響同層、上下層單位的叫價以及銀行按揭取態,往往容易被壓價,甚至大折讓「低開」,令附近業主飽受牽連。

    有網民對樓主減價一成賣樓的意向紛紛獻計,當中有認真分析叫價策略:

    • 一成應該唔得,仲要上層
    • 好難搞,一般上下左右都要折兩成,事故單位直頭賣唔出
    • 可唔可以要死者家屬賠償樓價下跌損失?
    • 唔係啱啱好對上就好啲,過一排先賣啦
    • 我一成full pay同你買
    • 唔係對正問題唔大,減一成夠有突

    網民:入口同走廊都好暗,陰氣好重

    留言區不斷有人為樓主獻計,樓主回應一句「今晚點瞓得着」,但有網民開始抱著幸災樂禍的心態,又指從坊間網站所見,屯門市廣場歷年來出現頗多凶宅,試圖以誇張回覆嚇怕樓主:

    • 瞓覺聽到床下底有聲
    • 一屍都算,而家仲要雙屍
    • 半夜聽到樓下嘈交
    • 可能會喺污渠走上黎
    • 住樓下嗰間正啲,有排都唔會有噪音滋擾
    有網民發現,屯門市廣場頗多凶宅。(圖片來源:香港凶宅網)
    有網民發現,屯門市廣場頗多凶宅。(圖片來源:香港凶宅網)

    凶宅為鄰 銀行按揭「凍過水」?

    神通廣大的網民亦發現,屯門市廣場肇事單位的隔離單位,剛於月初賣出,關心該單位「仲批唔批到按揭」,意見似乎一面倒:

    • 正常做唔到,呢啲要撻架喇
    • 大訂就慘
    • 上下都還好,同層先慘,銀行有機會唔做按揭
    • 一簽完臨約即刻搵銀行應該都無一間批得切
    • 咁多凶宅,成個屋苑砍掉重練

    著名凶宅事件:康怡花園烹夫案

    凶宅成為該帖文的探討話題,有網民引用1988年「康怡花園烹夫案」作例子:「肯定好似康怡D座咁打7折啦」,令凶宅疑團繼續發酵:

    • 記得細個有年租過d座,窗口正正對住烹夫案,其實冇咩特別野發生
    • 工人姐姐話夜晚成日覺得有人喺窗邊方向望住佢
    • 租金真係平過出面好多
    • 有日看更喺我嗰層後樓梯巡樓嗰陣跌低,之後心臟病發死咗
    二手速遞|放盤短短10日!康怡花園三房較市價低8%沽
    1988年的康怡花園烹夫案曾經轟動一時。(圖片來源:AM730)

    樂觀派:隔幾層就有間,冇咩影響

    不少人表示,自從警察和消防部門改用電子通訊,很多自殺個案「記者都唔知、跟唔到」,認為買家不能完全避開凶宅,只好樂觀面對:

    • Hold一排無人記得
    • 住多5年通脹,咩價都返晒黎
    • 屯市隔幾層就有間 所以冇咩影響
    • 過兩個月樓下開Donki,抵銷凶宅不利因素
    • 搵師傅搞搞佢啦
    二手速遞|入市保本增值!屯門市廣場兩房508萬成交
    網民認為,凶宅會影響同層及上下層單位的叫價,銀行按揭取態亦會更審慎。(圖片來源:AM730)

    警方表示,兩人為40多年夫妻關係,男死者生前無業、女死者為現職公務員,兩人關係良好,近期沒有衝突,現場調查發現單位沒有打鬥或有人闖入痕迹。

    但男死者墮樓位置的窗戶窗花被拆除,相信有人趁妻子熟睡時以菜刀斬殺對方,其後畏罪墮樓。

    警方在現場未有檢獲遺書,正調查男死者行兇動機,包括循感情關係、身體和精神健康、財務狀況等方向調查。

    延伸閱讀:裝修師父都信有風水屋:「有啲屋苑特別多人死」揀錯屋容易大病兼輸錢 屋企對正公路必有損傷?

    延伸閱讀:【自保錦囊】驗窗令「急Call」 漠視通知、失實陳述隨時惹官非兼坐監 小業主如何免中伏?