分享至
    嫌遠又嫌抗跌力低 想買筍盤 就別談感情|香港樓市2019

    嫌遠又嫌抗跌力低 想買筍盤 就別談感情|香港樓市2019

    專欄】朋友想趁樓價下跌時買筍盤作投資之用,但Anthony Sir推薦了好幾個劈價較多的地區,朋友都不太喜歡。究竟買樓投資應該怎樣做呢?

    撰文:1%Anthony | 圖片:新傳媒資料室

    真人真事…
    朋友: 聽講最近你哋買咗好多筍盤喎!
    筆者: 多呀~~
    朋友: 我都想趁今次跌市執間平貨投資呀,邊區好呀?
    筆者: 大西北丫,劈價比較多。
    朋友: 我唔鍾意天水圍…
    筆者: 屯門、元朗都唔少劈價。
    朋友: 新界西北我都唔鍾意,太偏遠啦。
    筆者: 其實而家搭西鐵出入,都好方便。

    樓市, 樓價, 筍盤, 屯門, 元朗, 天水圍, 東涌, 將軍澳, 九龍東, 荃灣, 買樓, 投資, 劈價, 地區
    圖片:新傳媒資料室

    朋友: 唔啦,仲有冇其?
    筆者: 新界東囉,減價都多。
    朋友: 將軍澳、馬鞍山嗰邊我都唔係咁鍾意。
    筆者: 嘩!小姐~~你咁多地方唔鍾意,點揀丫。
    朋友: 都係屯門、元朗、天水圍、將軍澳幾個地區之嘛。
    筆者; 但係呢幾個地區,比較多劈價貨喎!

    朋友: 不過…
    筆者: 你又唔係自己住,投資之嘛,講乜鬼嘢鍾意丫~~

    樓市, 樓價, 筍盤, 屯門, 元朗, 天水圍, 東涌, 將軍澳, 九龍東, 荃灣, 買樓, 投資, 劈價, 地區
    圖片:新傳媒資料室

    跌市買平嘢要點做?

    個個都話…我想趁跌市買平嘢!

    現實係…有幾多人真係做得到?

    首先,當然是要知道邊度跌得勁…

    睇新聞都知,大屋苑多、二手供應量多的地區,明顯跌幅比較勁。

    朋友所講的幾個地區,例如屯門、元朗、天水圍、東涌、將軍澳、九龍東、荃灣等,都是經常見報,劈價新聞一浪接一浪的地區。

    既然想趁跌市買平嘢,就應該要多留意這些地區啊。

    樓市, 樓價, 筍盤, 屯門, 元朗, 天水圍, 東涌, 將軍澳, 九龍東, 荃灣, 買樓, 投資, 劈價, 地區
    圖片:新傳媒資料室

    要接受到跨區挑戰

    其次,要有心理準備,跨區挑戰…

    如果你本住在這些地區,當然不會抗拒。

    然而很多住在市區的人,例如一些住在港島的前輩,對這些相對比較偏遠的地區,都不能太接受。

    然後就埋怨:「唉~~港島區啲樓好似冇乜點跌!」

    既然冇乜點跌,點解唔去其他地區睇吓呢?

    樓市, 樓價, 筍盤, 屯門, 元朗, 天水圍, 東涌, 將軍澳, 九龍東, 荃灣, 買樓, 投資, 劈價, 地區
    圖片:新傳媒資料室

    有心理準備會升升跌跌

    又有朋友說,這些地區的抗跌力低啊!

    這當然啦!

    試想想,甚麼是抗跌力呢?

    抗跌力強的意思是,當大市下跌的時候,這些地區跌幅較細,甚至不跌。

    如果是這樣,又何來有平嘢俾你執呢?

    想在跌市撈平貨,當然揀抗跌力比較弱的地區,要做好心理準備,將來面對升升跌跌都比較勁。

    樓市, 樓價, 筍盤, 屯門, 元朗, 天水圍, 東涌, 將軍澳, 九龍東, 荃灣, 買樓, 投資, 劈價, 地區
    圖片:新傳媒資料室

    分清想自住定投資

    投資,不是談戀愛,目標要是賺錢…

    正如朋友所講:「我唔鍾意呢幾個區!」

    你現在買樓的目的是做甚麼呢?是自住嗎?

    如果自己住的話,還可以加多一點要求,揀自己鍾意的物業,如果只是投資,計好數就可以了,談甚麼「鍾意」、「唔鍾意」呢?

    筆者試過無數次,連租約買入單位,住客住到唔願走,由我收鎖匙、收樓。

    到幾年後,我賣出去,賺了錢,分分鐘未曾入過屋,「鍾意」、「唔鍾意」又有何意義呢?

    樓市, 樓價, 筍盤, 屯門, 元朗, 天水圍, 東涌, 將軍澳, 九龍東, 荃灣, 買樓, 投資, 劈價, 地區
    圖片:新傳媒資料室

    做足功課 準備資金

    調整好心態之後,就要開始做好準備,然後出擊!

    重新認識一個地區當然不容易,要花點時間實地考察,最好當然有熟悉該地區的朋友引路。

    然後就是裝備好自己,做足功課,準備好資金,計好自己的還款能力,定好自己的出入市目標,然後果斷出擊。

    市況變化很快,如果不能果斷,就會一次又一次錯過機會!

    至於要如何操作,往後的講座、活動再跟大家分享!

    樓市, 樓價, 筍盤, 屯門, 元朗, 天水圍, 東涌, 將軍澳, 九龍東, 荃灣, 買樓, 投資, 劈價, 地區
    圖片:新傳媒資料室

    延伸閱讀:

    新盤凱滙平過二手 樓市出現新跌浪 上車唔好急

    嫌遠又嫌抗跌力低 想買筍盤 就別談感情|香港樓市2019