淘寶港女呻年少無知 發警世文指香港商家「食水深」：以前被人搵笨都唔知
廣告
網上購物方便快捷，上網淘寶已逐步融入了港人生活。近日有女網民在討論區指自己淘寶後才發現「年少無知」，因之前經常在香港的實體店購物「使咗唔少錢」。樓主回憶起幾年前購買手機配件的經歷，方覺自己被「食水深」的商家賺到笑。
女網民發文分享自身購物經驗，聲稱自從淘寶購買日用品，例如：酒精棉片、濕紙巾、咖啡、口罩等，便發覺自己之前一直「被人搵笨」，並估計香港商家毛利極高，起碼賺300%或以上，更表示以後會「醒少少」，不再跌入商家陷阱。
樓主認為，只要不是食物類別，大部分不太重的日用品其實可以「直接淘」，即使連運費計算，亦起碼平香港一倍，因此認為不少港人購物時「被人搵笨都唔知」。
淘寶對抗地產霸權？
不少港媽贊同樓主意見，認為淘寶貨價廉物美，原因是從網購幫她們節省了不少開支。
- 「淘寶真係慳唔少！」
- 「家居用品都係，基本上而家好多嘢可以淘都淘，有時想喺香港買，根本價錢貴而且無乜款式選擇！」
- 「就算係香港，買國產電器同日本進口，差幾賠價。一般人存埋果十萬八萬，一野就比商家殺曬。有國産就唔同，任你選貴平。」
- 「用一次既野淘寶好過香港買，平幾倍同埋唔會心痛。最近先了解到香港店舖係幾咁黑心，某程度上助長地產霸權。」
網民：淘寶已加咗價啦
不過，亦有網民認為，相比起以前，淘寶上日用品的價格已不如從前般廉宜。
「淘寶某啲嘢係平，但近年都貴左唔少！以前畀錢無咁方便，用pps又要電腦先搞到，仲要手續費！」
亦有網民解釋，香港舖租高昂，因此即使是同一樣的商品，價錢比較貴亦在所難免。商家標價較高未必是「食水深」，可能只是成本所限。
「其實都係因為租貴人工貴所以明明件十幾蚊嘅野賣到百幾二百蚊。不過確實，用一樣嘅價錢，响淘寶可以淘到嘅野，質素更高選擇又多。變相淘寶可以提升生活質素。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：政府新聞處、Unsplash@alena evdokimova、Unsplash@freestocks
