印花稅計算2026｜住宅從價印花稅稅階公式與繳付流程

咩係從價印花稅？點解要交

「從價印花稅」（Ad Valorem Stamp Duty，AVD）係按物業成交價或市值（以較高者為準）計算嘅稅項，買賣雙方及任何使用有關文書嘅人，須共同及個別負上繳納責任。繳交印花稅嘅目的，係令買賣物業嘅文件（買賣合約、轉讓契約）具備法律效力，日後如有爭拗，文件亦可作呈堂證供。

自 2024 年 2 月 28 日起，政府全面撤銷俗稱「辣招」嘅買家印花稅（BSD）、額外印花稅（SSD）同新住宅從價印花稅（NRSD），現時無論首置、非首置、公司名義定海外買家，購買住宅物業一律只需按統一嘅從價印花稅稅階計算，唔再分身分。

2026 年印花稅最新稅率（住宅物業）

根據稅務局公布，住宅物業從價印花稅第 1 標準第 1 部及第 2 標準稅率，由 2026 年 2 月 26 日起如下（2025 年財政預算案已將 $100 印花稅門檻由 $300 萬提升至 $400 萬，2026 年主要變動在 $1 億以上豪宅稅階）：

資料來源：香港政府一站通－印花稅收費

豪宅印花稅：2026 年 2 月 26 日起上調

《財政預算案 2026/27》公布，就 $1 億元以上嘅住宅物業上調從價印花稅稅階，由原本劃一 4.25% 上調至最高 6.5%，2026 年 2 月 26 日起生效：

即係話，$1 億以下嘅住宅物業稅階不變，但超過 $1 億嘅豪宅物業，實際稅率會由 4.25% 級級遞增至 6.5% 封頂，加重豪宅買家嘅印花稅負擔。

非住宅物業印花稅（第 3 標準）

工商舖、車位等非住宅物業，由 2026 年 2 月 26 日起適用新增嘅「第 3 標準」稅率，稅階同住宅物業第 1 標準第 1 部及第 2 標準相同，但封頂於 4.25%，並無住宅物業嘅豪宅上調安排：

點計印花稅？兩個實例試算

印花稅按物業售價或價值（以較高者為準）套入對應級距計算，以下用兩個住宅物業價位做示範：

• 物業價值 $6,000,000：跌入「$4,935,481 至 $6,000,000」級距，稅率 2.25%，印花稅 = $6,000,000 × 2.25% = $135,000。
• 物業價值 $8,000,000：跌入「$6,642,861 至 $9,000,000」級距，稅率 3%，印花稅 = $8,000,000 × 3% = $240,000。

如物業價值跌入「疊加公式」級距（例如 $4,000,001 至 $4,323,780），則要用「基本金額 + 超出部分百分比」嘅方式計算，例如物業價值 $4,200,000：$100 + ($4,200,000 – $4,000,000) × 20% = $100 + $40,000 = $40,100。

幾時要交印花稅？遲交罰幾多

買賣雙方須喺簽署買賣合約後 30 日內繳交印花稅：

逾期未繳，稅務局會按逾期時間加徵罰款：

一般而言，買家於律師樓簽署「正式買賣合約」時，律師會提醒準備支票代為繳交印花稅；買家亦可自行前往稅務局印花稅署辦理，或經「香港政府一站通」網上「電子印花」繳費。

常見問題

首置同非首置買家印花稅有無分別？

撤辣後（2024 年 2 月 28 日起）已經無分別，所有買家包括首置、非首置、投資者、公司或海外買家，購買住宅物業一律按統一從價印花稅稅階計算，唔再有較高稅率嘅「新住宅從價印花稅」。

海外買家 / 非香港永久性居民要交多啲印花稅嗎？

撤辣後，非香港永久居民及海外買家與香港永久居民一樣，只需繳付從價印花稅，毋須再繳交買家印花稅（BSD）。

臨時買賣合約需要打釐印嗎？

需要，繳交印花稅嘅期限視乎「臨約」及「正約」簽署時間差而定，詳見上文「幾時要交印花稅」部分。

從價印花稅可以豁免嗎？

一般而言從價印花稅不能豁免，惟近親（配偶、父母、子女、兄弟姊妹）之間轉讓住宅物業，可按較低稅階計算，詳情須向稅務局或律師確認個別個案。

📌 延伸閱讀：54歲「綠葉王」死慳死抵買樓　拆解打工仔儲首期上車機制

📌 延伸閱讀：居屋按揭成數｜綠表95%白表90% 附政府擔保期50年及二手樓齡成數表

📌 延伸閱讀：22歲少女「零父幹」擁440萬物業提前財務自由